دیسانەوە، دە سەربەرزبە ئەی هەڤاڵی یەكێتی

PUKMEDIA

لۆگۆی PUKMEDIA

سەروتاری PUKMEDIA

ئاخرین جار نییە شەهیدەكان لەسەرمان دێنە جواب، ئاخرین جار نییە شەهیدەكان دەڵێن: "ئەمە حزبی خۆمانە، ئەگەر زیندووەكانیش لێی غافڵ بن ئێمە دوودڵ نین"، ئەم یەكێتییە  میراتی سەدان ئازار و سەدان باری نالەباری كوردە، كە ئەم یەكێتییە سەدان گلان و پیلانی دیوە و بینی، گوشراوی ئەزموون و چڕی بەسەرهاتەكانی كۆكردووەتەوە، ئەم یەكێتییە باشترینەكانی كوردە و چاكترینەكانی كوردستانە.

ئای دەردو بەڵای دی كورد!  تا خوا بە یەكێتی پاداشتی كردەوە، ئای زۆر سەركردە و رێبەر و پادشا و سوڵتانی كوردستانی بەداخەوە مردن، تا خوا بە مام جەلال جوبرانی كردەوە.

خوا دەستی بە عەبدەكانی خۆوەیەتی، چونكە بەرهەمی ئارەزو و نیيەتی خۆیەتی، دەستی بە یەكێتییەوەیە چونكە نایەوێت چیتر كورد گازەندەی عەدالەتی بۆ بكەن، دەیەوێت كورد هیچ نەبێت لەم سەدەی بیستویەكەدا، شوكرانە بژێری بن.

دەستی قەدەرە و تەمەننای بەشەرە، كە ئەم یەكیتییە بووەتە لۆگۆی كورد.

رەنجی فەرهادییە، قوڵنگی نزای هەڵگرتووە، بێستونێك نییە رایگرێت و راینەماڵێت.

جارێك لەهەكاری كاری راستەڕێ كردەوە، جارێكی تر لە ئەنفال و هەڵەبجە و سێوسێنان، لەشەڕی نەگریسی ناوخۆ دەربازی كرد و كردییە یەدەگی رۆژگارانی خۆشتر.

لە ٣١ی ئاب و گەردەلولی تۆڵە و داوی ١٦ ئۆكتۆبەر پاریزگاری لێكرد و ئەوە دوو ساڵیشە، لە خیتابی لە رێلادان و چەواشەكاری بە باق و بریق دەیپاریزێت. 

هەر خۆیەتی، یەكێتییەكەی مامە، هەر خۆیەتی، یەكێتییەكەی جارانە، هی كۆن و نوێ، هی دێرین و هی زێڕین، یەك یەكێتییە، وا لەخەم رسكاوە و لە داو تۆراوە و رووی لە پێنجەمین كۆنگرەشە، هەقيیەتی بێژێ، هەمیشە سەربەرزبە ئەی هەڤاڵی یەكێتی.   

PUKMEDIA