مەکتەبی راگەیاندن ناوەندی وزەی كوردستان بۆ راوێژی میدیايی پێكدەهێنێت

PUKMEDIA

پێکهێنانی ناوەندی وزەی كوردستان بۆ راوێژی میدیایی

ئەمڕۆ 26/8/2023 بە دەستپێشخەری مەكتەبی راگەیاندنی یەكێتيی نیشتیمانيی كوردستان و ئامادەبوونی ژمارەیەك لە پسپۆڕانی بواری وزە، ناوەندی وزەی كوردستان بۆ راوێژی میدیایی پێكهات.

لە دانیشتنی پێكهێنانی ناوەندەكەدا، هەڤاڵ ستران عەبدوڵڵا لێپرسراوی مەكتەبی راگەیاندن بە گرنگییەوە لەسەر پرسی وزە وەستاو ئاماژەی بە سیاسەتی یەكێتی كرد لە بایەخی ستراتیژی وزە بۆ خزمەتی خەڵک و بوژانەوەی ژێرخانی كوردستان، بۆ ئەم هەنگاوەش پاڵپشتی مەكتەبی راگەیاندن و كەناڵەكانی بۆ بایەخدان بە وزە و هەواڵ و چالاكییەكانی ناوەندە راوێژكارییەكە دووپاتكردەوە.

جێی وەبیرهێنانەوەیە، لە ماوەی رابردوودا مەكتەبی راگەیاندن لە پێناو بەرزركردنەوەی هۆشیاری گشتی لەبارەی وزەوە، چەندین چالاكی و رووماڵی بەردەوامی هەبووە و پشتیوانیكردنی ناوەندی راوێژكاری میدیاییش بەشێكە لە ستراتیژی مەكتەبی راگەیاندنی یەکێتیی نیشتمانیی کوردستان.
PUKMEDIA