سەرۆک بافڵ بڕیارەکەی دا

PUKMEDIA

بیروڕا

هێمن غازی ماوەتی

یەکێتی دوای راستکردنەوەی پرۆسەی رێڕەوی حزبایەتی و دەست خستنەسەر برین و ئازارەکان، کە حزب پێوەی دەناڵێنێت، هەروەها لە پێناو بەسەنتەربوونی دەسەڵات و پەیڕەوکردنی حزبایەتی دروست بە سەرۆکایەتی سەرۆک بافڵ چەرخی گۆرانکاری دەستیپێکردو بەهاری گەش و باڵاتربوو؛ لەدوای راستکردنەوەی رێرەوی حزبایەتی.. حزب لە گروپ و دەستەو تاقم و ئۆتێلی سیاسی و فرەکوێخایی بژارکراو، پەرێزەکە پاککرایەوە. 

پرۆسەی حزبایەتی لەناو یەکێتی قورسایی بۆ گەڕایەوەو جارێکیتر بە تەوژمێکی ترەوە ململانێی نەیارەکانی دەکات و ستۆپی پێکردن و جارێکیتر هەژموونی یەکێتیانە تاو دەدات بەسەر هەموو ئەوانەی کە مەرامیان بوو یەکێتی پەڕوباڵبکەن و بەلاواز دەریخەن؛ سەرۆک بافڵ خەونی هەموو ئەوانەی لەگۆڕنا.

 دیداری یەکێتیی بەسەرۆکایەتی کاک قوباد، کۆتایی بەسەردەمی فرە بریاری هێناو خواستی یەکێتیەکانی لە پەیڕەودا دوای گۆرانکاری جێگیرکراو بووە دەستوری ئەم حزبە. 

بریاری بەستنی کۆنگرە لە پێش وادەی خۆی، دەلالەتە بۆ جدیەتی سەرۆک بافڵ بۆ دووبارە بوژانەوەی شادەمارەکانی جەستەی یەکێتیی.

 ئەم حزبە بەڕابەرایەتی سەرۆکی ئەفسانەیی و لاو کۆتایی بەسەردەمی پەڕاوێزی هێناو یەکێتی خستەوە مەیدان بەهێزەوە، ئەوە یەکێتیی بوو نەیارانی خستە سەر چۆکان. 

پەیامی سەرۆک بافڵ لەبەردەم نەیارانی یەکێتی رون و راشکاوە کە هێزی یەکێتی لە کۆنگرەدا دەسەپێنێت و ئەم حزبە دەباتە قۆناغێکی تری زێڕین.

PUKMEDIA