سەرۆک کۆمار پێشوازی لە ئەمینداری گشتی وەزارەتی پێشمەرگە دەکات

نوسینگەی راگەیاندنی سەرۆکایەتی کۆمار

سەرۆک کۆمار و ئەمینداری گشتی وەزارەتی پێشمەرگە

دکتۆر لەتیف جەمال رەشید سەرۆک کۆماری عیراق، ئەمڕۆ سێشەممە 22-8-2023، لە کۆشکی بەغدا پێشوازی لە لیوا بەختیار محەمەد صدیق، ئەمینداری گشتی وەزارەتی پێشمەرگە و وەفدی یاوەری کرد.

لە میانی دیدارەکەدا تاوتوێی دۆخی ئەمنی هەرێمی کوردستان و تەواوی شارەکانی عیراق کرا، هەروەها جەختیانکردەوە لە سەر بەردەوامییدان بە مەشق و ئامادەکاری بۆ پەرەپێدانی توانا جەنگیەکانی هێزی پێشمەرگە و تەواوی هێزە ئەمنییەکان.

سەرۆک کۆمار دوپاتیکردەوە لە گرنگی هەماهەنگی و کاری هاوبەش بۆ چەسپاندنی ئاسایش و سەقامگیری بە شێوەیەک کە سەروەری عێراق بپارێزێت و ببێتە بەدیهێنەری خۆشگوزەرانی و گەشەسەندن لە بوارەکانی دیکەدا بۆ هاونیشتمانیان.

لای خۆیانەوە وەفدەکە باسیان لە پلانەکانی مەشق و راهێنانەکان کرد، هەروەها خۆشحاڵی خۆیان بە دیداری سەرۆک کۆمار دەربڕی و جەختیانکردەوە لە گرنگی رێنماییە بەنرخەکانی بەڕێزیان لە پاراستنی دەستکەوتە ئەمنییەکان و هێنانەدی سەقامگیری لە وڵاتدا.
PUKMEDIA