دەنگی تۆ مێژوو و نیشتمانە

PUKMEDIA

هێڤار محەمەد عومەر

هێڤار محەمەد عومەر
 
بێدەنگی لە خراپی رەوشی سیاسی و رازینەبوون بە واقیعی ئابوری و كۆمەڵایەتی و دەنگی ناڕازیی جۆراوجۆر لە حكومەت و دەسەڵات، ترسی ئەم هەرێمەیە تەنها بە بێدەنگی یاخود تۆران و زویربوون چارەسەر ناكرێت، تۆی دەنگدەر وێڕای بیر و بۆچوونی جیاوازت لەڕوی ئایینی و نەتەوەیی و مەزهەبی و تایفی و حزبی و سیاسییەوە دەتوانیت مافی یاسایی و دەستوری خۆت بەكاربهێنیت و ویژدانت ئاسوودە بكەیت لە گۆڕانكاری جوزئی یان ریشە‌یی لە واقعی تاڵ، كە بێگومان زۆربەمان لێی ناڕازین، بەشداریكردنت لەگەڵ تەواوی چین و توێژەكانی ئەم كۆمەڵگەیە لە پڕۆسەكانی هەڵبژاردن و ئاڕاستەكردنی ئیرادەت بۆ بەدەستهێنانی متمانە،‌ ئەو پارتە یان ئەو حزبەی كە بڕوات پێیە كە ئەركی ئایینی و ئەخلاقی و نیشتمانی و نەتەو‌ەیی و سیاسی و دەستورییە چونكە (ئێمە كوردین هەر كورد دەبین) ناكرێ لە پەراوێزی رووداوە ئابووری و سیاسییەكانی هەرێم و عیراق و ناوچەكە و جیهان خۆمان بەدوور بگرین، بەڵكو یەكەم سوتەمەنی هەر رووداوێكی ئابوری و سیاسی لە رۆژهەڵاتی ناوەڕاستدا بەبەشداری هەموو گەلی كورد بووه، بۆیە لە پێناو پاراستنی پێگەی هەرێمی و نەتەوەیی و مێژوویی و نیشتمانی و دەستوری لەم عیراقە فیدڕاڵەدا دەبێت خۆمان ئامادەبكەین بە كار و كارنامە ‌و ئەجێندای نیشتمانی و نەتەوەیی نوێ بۆ چۆنییەتی حكومڕانی لە هەرێم و عیراقدا و لەڕێگەی گفتوگۆی سیاسی و دەستوری، هەوڵبدەین ناوچەكەمان دەرەوەی هەرێمی كوردستان واتە ناوچە جێناكۆكەكان  بپارێزین و پاراستن لە بەرگی كوردستانی بوونیان بكەین، ئەویش بە بەشداریكردنمان لە پڕۆسەی هەڵبژاردن و بەخشینی تەواوی مافی دەستوریمان لە رۆژ و وادەی هەڵبژاردنەكانمان بەلەدەستدانی دەنگی هاووڵاتییەكی كورد لە هەركوێ بێت پشتگیریی و سەنگمان لەڕوی نیشتمانی و نەتەوەیی و دەستوری لاوازدەكات وە بەپێچەوانەوە زیادكردنی هەر دەنگێكی كورد هێز و سەنگمان بەهێز دەكات لە مەیدانی سیاسی و دەستوری شانبەشانی گەلانی عیراق لەم كۆمارە فیدڕاڵەدا، بەڵام كاتێك بڕیاردەدەیت با  دەنگت ببێت بەخشتێك  بۆ بونیادنان و ژیانەوەی  كیانی ئەم نیشتمانە، بۆیە  بزانە دەنگ بەكێ دەدەیت و‌ به ‌ویژدانەوە پەنجەبخه ‌نێو مرەكەبی مێژووەوە و چاو هەڵبێنەوە و بڕوانە خوێنی شەهیدان و قوربانیانی ئەم گەلە قارەمانە و كارەساتەكانی وەكو كیمیاباران و شاڵاوەكانی ئەنفال و زیندانی سیاسی و قوربانیانی جینۆساید و لە سێدارەدانی كەسوكارمان و راگواستن بێنە بەرچاوان كه ‌وەكو شاهیدحاڵێك و راستییەكی حاشا هەڵنەگری شۆڕشی نوێ و بزوتنەوەی رزگاریخوازی گەلەكەمان بەڕابەرایەتی فەخامەتی مامی كۆچكردومان و سەركردایەتی یەكێتیی نیشتمانیی كوردستان ئەم دەستكەوتانە هاتنەدی لە دوای ڕاپەڕین و ڕوخانی ڕژێمی بەعسی گۆڕبەگۆڕ، ئێستاش بەبەرچاوی دونیا و جیهانەوە ئەو هێزەی پێشمەرگەی یەكێتیی نیشتمانیی كوردستان و هێزەكانی تری یەكێتی كە چۆن پایتەخت و كەركوك و ناوچەكانی تریشی پاراست و بەرگریان كرد لە شەڕی دژ بە داعش لەبەر ئاشتی و دیموكراسی لە جیهاندا، هێزەكانی یەكێتی لەبری سەرجەم جیهان خوێنیان بەخشی بەهەموو مرۆڤایەتی و‌ لە هەمان كاتدا هەر یەكێتی ئێستا بە رابەرایەتی سەرۆك بافڵ هاوكێشە هەرێمی و نیشتمانییەكانی لە هەرێم و عیراقدا بەیەكەوە بەستۆتەوه و هاوسەنگی پاراستووە لە پێناو  ئایندەی باش و خزمەتگوزاری باش و بەدەستهێنانی ئاینده ‌دەستوریەكانمان لە بەغدا، حزبی شەهیدان و قوربانییەكان و خوێندكاران وشەهیدانی سەركردە و  هێزی پێشمەرگەو و مێژووی و ئایندەی گەلەكەمان چاوەڕێی دەنگ و ئیرادەی تۆی هاووڵاتی دەكات، سوپاس بۆ تۆی هاوحزبی و هاونیشتمانی و هاونەتەوەیی‌ كە سەنگەری نیشتمانی و نەتەوەییم بە دەنگی پیرۆزت بەهێزدەكەیت و نیشتمان دەپارێزیت.

PUKMEDIA





...........