سەرۆک بافڵ: ناکۆکییە ناوخۆییەکان خزمەت بەخەڵکەکەمان ناکات

نوسینگەی رۆژنامەوانی بافڵ جەلال تاڵەبانی

سەرۆکی یەکێتی و كاربەڕێكەری كونسوڵخانەی گشتیی فەڕەنسا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیی لە رودۆڵف ریچارد، كاربەڕێكەری كونسوڵخانەی گشتیی فەڕەنسا لە هەرێمی كوردستان كرد.

‌‎لەدیدارەكە پەرەپێدانی پەیوەندییەكان و دۆخی سیاسیی هەرێم گفتوگۆی لەبارەوەكرا و جەخت لە بەردەوامیی گفتوگۆكان و چارەسەركردنی كێشەكان كرایەوە.

‌‎لەدرێژەی دیدارەکەدا سەرۆک بافڵ هەڵوێستی یەکێتی سەبارەت بە دوایین گۆڕانکارییە سیاسییەکانی هەرێم روونکردەوە و رایگەیاند: ناکۆکییە ناوخۆییەکان خزمەت بە هەرێم و خەڵکەکەمان ناکات، بۆیە هیوادارم هەمووان بەرپرسیارانە مامەڵە لەگەڵ دۆخەکە بکەن و پێکەوە بەسەر کێشە و گرفتەکاندا زاڵبین.

وتیشی، هاوبەشیی راستەقینە و کاری پێکەوەیی فاکتەری سەرەکی بەدیهێنانی بەرژەوەندییە باڵاکانن، هەموو هەوڵەکانیشمان لەپێناو دروستکردنی ئەو یەکڕیزی و تەباییەیە کە خزمەت بە قەوارەی هەرێم و ژیان و گوزەرانی خەڵکەکەمان دەکات.

PUKMEDIA