قوباد تاڵەبانی: کۆچی دوایی کاروان عەلی شامار نیگەران و دڵگرانی کردم

PUKMEDIA

کاروان عەلی شامار

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، بۆ کۆچی دوایی کاروان عەلی شامار، پرسەنامەیەک ئاڕاستەی خێزان و خانەوادەی کۆچکردوو دەکات و رایدەگەیەنێت، "بەبیستنی هەواڵى کۆچی دوایی کاکە کاروان عەلی شامار، نیگەران و دڵگران بووم".

دەقی پرسەنامەکە

*بەڕێز هەڤاڵی تێکۆشەر کاک عەلی شامار*
*بەڕێزان خانەوادەى کۆچکردوو (کاروان عەلی شامار)*

بەبیستنی هەواڵى کۆچی دوایی کاکە (کاروان عەلی شامار)، نیگەران و دڵگران بووم. 
کۆچکردوو لەخێزانێکی نیشتمانپەروەر و جوامێری کوردایەتی و قوربانیدەر بوو بۆ شۆڕش و خەبات لەخانەقین و گەرمەسێر، و کوڕی دوو قارەمانی گەلەکەمان؛ (دایکی شەهیدان) خاتوو (وەسفیەی بەنی وەیس) ژنە پێشمەرگە و رێکخستنی نهێنی و کاک عەلی شاماری تێکۆشەری دێرین بوو، کۆچکردنی جێگای ئەسەفی هەموومانە.

بۆ ئەم کۆچە، پرسەو سەرەخۆشی لەخێزان و خانەوادە تێکۆشەرەکەکەتان دەکەم و هاوبەشی خەمتانم.
خواى گەورە لێی خۆش بێت و جێی بەهەشت بێت، سەبورى و دڵنەواییش بەهەموو لایەک ببەخشێت.

انا لله و انا الیه راجعون

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال