قوباد تاڵەبانی: باڵیۆزی یەکێتی ئەوروپا رۆڵی گرنگی لەئاشتەوایی عیراق بینیوە

PUKMEDIA

سەرۆک وەزیران و باڵیۆزی یەکێتی ئەوروپا لە عیراق

جێگری سەرۆک وەزیرانی هەرێمی کوردستان لە هەولێر لەگەڵ باڵیۆزی یەکێتی ئەوروپا لە عیراق بەبۆنەی کۆتایی هاتنی ئەرکەکەی کۆبوەوە.

قوباد تاڵەبانی جێگری سەرۆک وەزیرانی هەرێمی کوردستان لە پەڕەی تایبەتی خۆی لە تۆڕی کۆمەڵایەتی فەیسبووک رایگەیاند: "ڤیلی ڤارجولا، باڵیۆزی یەکێتی ئەوروپا لە عیراق، لە کاتی ناکۆکییە سیاسییەکاندا رۆڵێکی بەرچاوی هەبوو لە نزیککردنەوەی بۆچوونی لایەنەکان و چارەسەرکردنی گرفتەکاندا و لە کۆبونەوەکەماندا باسمان لە دواپێشهاتەکان و دۆخی سیاسی عیراق و هەرێمی کوردستان کرد".

راشیگەیاند: "ستایشی هەوڵ و ماندووبوونیم کرد لەپای پەرۆشی و هەوڵەکانی بۆ بەدیهێنانی ئاشتەوایی و ئارامی سیاسی لە عیراق و کوردستان، هەروەها هیوای سەرکەوتنیشم بۆ خواست لە ئەرکەکانی داهاتویدا".

PUKMEDIA