سەرۆک کۆمار لەگەڵ سەرۆک وەزیران کۆدەبێتەوە

نوسینگەی رۆژنامەوانی سەرۆک کۆمار

کۆبونەوەی سەرۆک کۆمار لەگەڵ سەرۆک وەزیران

سەرۆک کۆمار دکتۆر لەتیف جەمال رەشید ، ئەمڕۆ دووشەممە31-7-2023، لەگەڵ سەرۆک وەزیران، بەڕێز محەمەد شیاع سودانی کۆبووەوە.

لە کۆبوونەوەکەدا تاوتوێی بارودۆخی گشتی وڵات و گرنگی بەئەنجام گەیاندنی کارەکانی هەموو دامەزراوەکان کرا، بۆ پشتگیریکردنی هەنگاوەکانی حکومەت لە جێبەجێکردنی پلانەکانی کارنامەکەیدا، بەتایبەتی لەکارە پێشینەکانی باشترکردنی خزمەتگوزاریەکان و بەرزکردنەوەی ئاستی بژێوی بە شێوەیەک کە پاڵنەرێک بێت بۆ پەرەپێدانێکی بەرفراوان لە هەموو کەرتە گرنگەکاندا.

هەردو سەرۆک کۆمار و سەرۆکی ئەنجومەنی وەزیران، دوپاتیانکردەوە لە  سەرکۆنەکردنی هێرشە بەردەوامەکان بۆ سەر قورئانی پیرۆز و پیرۆزییەکانی ئیسلام لەلایەن کەسانێکی لادەرەوە و جەختیان لەوە کردەوە کە پێویستە دەوڵەتەکان هەڵوێستێکی توندتر بگرنەبەر بۆ کۆتایی هێنان بەو ڕەفتارە تاوانکارییانە .

PUKMEDIA