بۆشایی ئەمنی لەناوچە کوردستانییەکان پێویستی بەهێزی هاوبەش هەیە

PUKMEDIA

کاروان یاروەیس بڕیاردەری فراکسیۆنی یەکێتی لەئەنجومەنی نوێنەرانی عیراق

ئەندامێکی ئەنجومەنی نوێنەرانی عیراق رایدەگەیەنێت:" بۆشایی ئەمنی لە نیوان ناوچەکانی هەرێم و پارێزگاکانی تر پێویستی بەهێزی هاوبەش هەیە، پڕکردنەوەشی ئەرکی لیوای ٢٠ی سەر بەوەزارەتی بەرگری عیراق-ە".


کاروان یاروەیس بڕیاردەری فراکسیۆنی یەکێتی لەئەنجومەنی نوێنەرانی عیراق بە سایتی رەسمی یەکێتیی نیشتمانیی کوردستان PUKMEDIA ی راگەیاند:" لەناوچەکانی نێوان هەرێم و پارێزگاکانی تر بۆشایی ئەمنی پێویستی بەهێزی هاوبەش هەیە و پێویستە دۆسیەی ئەمنی بەهاوبەشی بەرێوەببرێت".

"دروستکردنی هەر هێزێکی چەکدار بەشێوەیەکی تاکلایەنانە و سەربە عیراق بۆ کوردی ئەو ناوچانە، لەژێر هەر ناوێکدا رەتدەکەینەوە و بە کارێکی هەڵەی دەزانین"، کاروان یاروەیس وایوت.

یاروەیس وتیشی:" لیوای ٢٠ی سەر بەوەزارەتی بەرگری عیراق ئەرکیان پڕکردنەوەی بۆشایی ئەو ناوچانە دەبێت و لە یاسای بودجەی گشتی عیراقیشدا شایستەییەکانیان چەسپێنراوە".

PUKMEDIA