سەرۆك بافڵ: هەوڵی ژیانێكی شایستە بۆ خەڵكەكەمان دەدەین

نووسینگەی سەرۆكی یەكێتی

بافڵ جەلال تاڵەبانی و حەیدەر عەبادی

بافڵ جەلال تاڵەبانی، سەرۆكی یەكێتیی نیشتمانیی كوردستان لەبەغدا چاوی بە حەیدەر عەبادی، سەرۆكی ھاوپەیمانیی نەسر كەوت.

لەدیدارەكەدا كە رەفعەت عەبدوڵڵا، بڕیاردەری دەستەی كارگێڕی و سەعدی ئەحمەد پیرە، ئەندامی مەكتەبی سیاسی ئامادەبوون، دوایین ئەگەر و پێشهاتە سیاسییەكانی وڵات تاوتوێكران و جەخت لە پابەندبوون بە دەستوور و هاوبەشی راستەقینە كرایەوە.

لەبارەی هەوڵەكانی یەكێتی بۆ كۆتاییهێنان بە ناكۆكییەكانی نێوان هەولێر و بەغدا و بەدەستهێنانی مافە دەستوورییەكانی گەلی كورد، سەرۆك بافڵ وتی: "هەموو هەوڵێكمان لەپێناو دەستەبەركردنی ژیانێكی شایستەیە بۆ خەڵكەكەمان، بۆ ئەمەش هەنگاوەكانمان چڕكردووەتەوە و دەمانەوێت هەرێمەكەمان بەرەو ئاوەدانی و سەقامگیری هەنگاوبنێت".

PUKMEDIA