سەرۆک بافڵ و سابت عەباسی: روبەروبونەوەی تیرۆر ئەرکی هەموومانە

راگەیاندنی سەرۆک بافڵ

کۆبونەوەی سەرۆک بافڵ و سابت عەباس

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغدا پێشوازی لە سابت عەباسی، وەزیری بەرگریی عیراق کرد.

لەدیدارێکدا کە رەفعەت عەبدوڵا، بڕیاردەری دەستەی کارگێڕی و سەعدی ئەحمەد پیرە، ئەندامی مەکتەبی سیاسی ئامادەبوون، دۆخی ئەمنیی وڵات و هەماهەنگیی نێوان هێزە سەربازییەکانی هەرێم و عیراق گفتوگۆی لەبارەوەکرا و جەخت لە فراوانکردنی هاریکارییەکان کرایەوە لەپێناو پاراستنی سەقامگیری و ئاسایش لە وڵاتدا.

 سەرۆک بافڵ جەلال تاڵەبانی ئاماژەی بە گرنگیی هاوکاری و هەماهەنگییە سەربازی و هەواڵگرییەکان کرد وەک فاکتەرێکی گرنگی پاراستنی ئاسایش لە ناوچەکە و رایگەیاند، پارێزگاریکردن لە ئارامیی ناوچەکە و رووبەڕووبوونەوەی تیرۆر ئەرکی هەموومانە، بۆ ئەمەش پتەوکردنی پەیوەندییەکان و فراوانکردنی هەماهەنگیی نێوان هێزەکانمان پێویستییەکی گرنگی قۆناغەکەیە.

PUKMEDIA