عەلی حەمە ساڵح: حكومەت كارو پرۆژەی ناڕاست بڵاودەكاتەوە

GOOGLE

عەلی حەمە ساڵح

ئەندامێكی خولی پێشووی پەرلەمانی كوردستان رایدەگەیەنێت:" ناعەدالەتی و بێمنەتی دەسەڵات گەیشتووەتە ئاستێك ئینتیمای نیشتمانیی لاوازكردووە، بەخەڵك رادەبوێرێت"، و ئاشكرایدەكات كە كابینەی 9ی حكومەت: "هیچ پرۆژەیەكی لە سلێمانی نەكردووە و ئەگەر حكومەت بایی 19 ملیار پرۆژەی بۆ هەڵەبجەكردووە، من لە سێدارە بدەن".

عەلی حەمە ساڵح ئەندامی خولی پێشووی پەرلەمانی كوردستان لەمیانەی بەشداریكردنی لەبەرنامەی پانۆرامای كەناڵی ئاسمانی كوردسات دەڵێت: "حكومەتی هەرێمی كوردستان بە ئاشكرا بەخەڵكی هەرێم رادەبوێریت و گاڵتەیان پێدەكات، بەجۆرێك بە خەڵكی هەرێم دەڵیت: "لەهەڵەبجە 319 ملیار دینار لەپرۆژەدا جێبەجێكراوە، لەكاتێكدا ئەگەر 19 ملیاری جێبەجێكرابوو من لەسێدارە بدەن".

" ناعەدالەتی و بێمنەتی حكومەت گەیشتووەتە ئاستێك ئینتیمای نیشتمانیی لاوازكردووە و درۆ لەگەڵ خەڵك دەكات و بانگەشەی ئەوە دەكات كە لەسلێمانی 600 پرۆژە جێبەجێكراوە بە نزیكەی 2 ترلیۆن و 800 ملیار واتە پارەی 2 هەزار و 800 خوێندنگە لە سلێمانی كراوە بەپرۆژە بەڵام ئێمە نایبینین" ئەو پەرلەمانتارەی خولی پێنجەم وادەڵێت.


عەلی حەمە ساڵح دەشڵێت:" ئەوەی دەزانین و دەیبینین ئەوەیە لەسلێمانی 4 پرۆژە هەبووە 3 ئەندەر پاس و نوێكردنەوەی باخی گشتی، كە هیچیان بەپارەی حكومەت نەكراون و حكومەت بەئاشكرا بەخەڵك رادەبوێرێت و گاڵتەیان پێدەكات، سەرجەم كاروپرۆژەكانی بەشێوەیەكی ناڕاست بڵاودەكاتەوە".

 ئەو پەرلەمانتارەی خولی پێنجەم دەڵێت :" ئەوەی حكومەت باسی ئەوە دەكات كە 60 ملیار دینار لە گەرمیاندا كراوە بە پرۆژە، لەكاتێكدا راست نییە و ئەگەر لە 20٪ ی كرابوو، من تا هەتا هەتایە قسە لەسەر حكومەت ناكەمەوە".

PUKMEDIA