سەرۆک بافڵ: ژیانی خەڵک تێکەڵ بەململانێ نەکرێت

نوسینگەی رۆژنامەوانی بافڵ جەلال تاڵەبانی

سەرۆک بافڵ و فایەق زێدان

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغدا چاویکەوت بە فایەق زێدان، سەرۆکی ئەنجوومەنی باڵای دادوەریی عیراق.


لە کۆبوونەوەکەدا گفتوگۆ لەبارەی بەهێزکردنی دەسەڵاتی دادوەری، سەربەخۆیی دادگاکان و چەسپاندنی یاسا کرا و جەخت لە پابەندبوون بە یاسا کارپێکراوەکان کرایەوە لەپێناو پاراستنی مافەکانی سەرجەم نەتەوە و پێکهاتەکانی وڵات.


پشتیوانیکردن لە هەوڵە نیشتمانییەکان لەپێناو سەرخستنی بەرنامەی چاکسازی و چارەسەرکردنی کێشەکانی نێوان هەولێر و بەغدا تەوەرێکیتری کۆبوونەکە بوو و لەوبارەیەوە سەرۆک بافڵ رایگەیاند، هەموو هەوڵێکمان لەپێناو کۆتاییهاتنی کێشەکان و تێپەڕاندنی بەربەستەکانە.

داواشیکرد، چیتر ژیانی خەڵک نەکرێتە قوربانیی ململانێ سیاسییەکان و ئەنجوومەنی باڵای دادوەری رۆڵی خۆی بگێڕێت لە پاراستنی مافەکانی گەلی کورد و شایستە داراییەکانی هەرێم کە پرسێکی تەواو دەستوورییە و لەچوارچێوەی بودجەی گشتیدا دیاریکراوە.

PUKMEDIA