لوقمان وەردی: پەرلەمانتارانیش بە چوارساڵ زیندانی حوکم بدەن

PUKMEDIA

لوقمان وەردی ئەندامی پەرلەمانی کوردستان

ئەندامێکی پەرلەمانی کوردستان رایدەگەیەنێت:" دەبێت زۆرینەی ئەندامانی پەرلەمانی کوردستان-یش، لە سەرجەم خولەکانی پەرلەمان بەچوار ساڵ زیندانی حوکم بدرێن، چونکە دەیان یاداشت و داواکاری و پرۆژە بڕیار و پێشنیازی یاساییان لە جیاتی یەکتری واژۆکردووە".

لوقمان وەردی پەرلەمانتاری کوردستان لەپۆستێکدا لە ئەکاونتی شەخسی خۆی لەتۆڕی کۆمەڵایەتی فەیسبوک نووسیویەتی:"بەپێی خوێندنەوەو بریاری دادوەرانی دادگای ھەولێر بێت بۆ ماددەکانی (٢٨٩-٢٩٨ ) لە یاسای سزادانی عێراقی ژمارە ١١١ ساڵی ١٩٦٩ی ھەموارکراو، بەدیاریکراوی لە کەیسی حوکمدانی  شێروان شێروانی بە چوار ساڵ زیندانی کردن لەسەر واژۆ یان پەنجەمۆر لە سەر داواکارێک لەجیاتی ھەڤاڵە زیندانی کراوەکانی".

راشیگەیاندووە:"دەبێت زۆرینەی ئەندامانی پەرلەمانی کوردستان-یش، لە سەرجەم خولەکانی پەرلەمان بەچوار ساڵ زیندانی حوکم بدرێن، چونکە دەیان یاداشت و داواکاری و پرۆژە بڕیار و پێشنیازی یاساییان لە جیاتی یەکتری واژۆکردووە، لە کاتێکدا پەرلەمان بەرزترین دەسەڵاتی یاسادانانە لە ھەرێمی کوردستان".

PUKMEDIA