سەرۆک بافڵ بۆ عادل عەبدولمەهدی: ئامانجمان خزمەتکردنە

نوسینگەی رۆژنامەوانی بافڵ جەلال تاڵەبانی

سەرۆک بافڵ و عادل عەبدولمەهدی

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە د. عادل عەبدولمەھدی، سیاسەتمەدار و سەرۆک وەزیرانی پێشووتری عیراق کرد.

لەدیدارەکەدا دوایین گۆڕانکارییە سیاسییەکان گفتوگۆیان لەبارەوەکرا و جەخت لە بەردەوامیی هەوڵە نیشتمانییەکان کرایەوە لەپێناو پاراستنی سەقامگیری و زیاتر خزمەتکردنی خەڵک لە بوارە جیاوازەکاندا.

سەرۆک بافڵ جەلال تاڵەبانی ئاماژەی بە هەوڵەکانی یەکێتی کرد بۆ کاری پێکەوەیی و هەنگاوی کردەیی لەپێناو بەرەوپێشچوونی وڵات و رایگەیاند:"سیاسەتی ئێمە روونە و ئامانجمان خزمەتکردنە، بۆ ئەمەش لە سەرەتاوە هەوڵمان بۆ چارەسەرکردنی کێشەکان داوە و ویستوومانە دەستوور بنەمای چارەسەرکردنی کێشەکان بێت.

وتیشی، هەماهەنگی و کاری پێکەوەیی فاکتەری سەقامگیری و بونیادنانی داهاتوویەکە کە شایستەی خەڵکە خۆڕاگرەکەمان بێت".
‌‎

PUKMEDIA