باڵامبۆ محەمەد: لەم کابینەیەدا هیچ بەهایەک بۆ یاسا نەماوە

PUKMEDIA

باڵامبۆ محەمەد ئەندامی پەرلەمانی کوردستان لەفراکسیۆنی یەکێتی

یه‌كێتیی نیشتمانیی كوردستان پشتیوانی له‌ئازادی راده‌ربڕ‌ین و ده‌نگی ئازاد و جێبه‌جێكردنی یاسا كردووه‌، مێژووش شاهیدی بۆ ئه‌مه‌ ده‌دات، به‌ڵام هێشتا هه‌ندێك لایه‌ن كوردایه‌تی پێ ده‌فرۆشێته‌وه‌، ئه‌ندامێكی په‌رله‌مانی كوردستان له‌فراكسیۆنی یه‌كێتی-یش ده‌ڵێت:" هیچ به‌هایه‌ك بۆ یاسا له‌م هه‌رێمه‌ به‌تایبه‌ت له‌م كابینه‌یه‌دا نه‌ماوه‌".

باڵامبۆ محەمەد ئەندامی پەرلەمانی کوردستان لەفراکسیۆنی یەکێتی بەسایتی رەسمیی یەکێتیی نیشتمانیی کوردستان PUKMEDIA ی راگەیاند:"مێژوو شاهێدی بۆ ئەوە دەدات، کە هەموو کات یەکێتیی نیشتمانیی کوردستان پشتیوانی لەئازادی رادەربڕین و دەنگی ئازاد و جێبەجێکردنی یاسا کردووە، هەروەها جارێکی تر مێژوو شاهێدە کە یەکێتی دژی تیرۆر و تیرۆریستان راوەستاوە و تێکیشکاندوون، بەڵام لایەن هەیە مێژووی پڕە لە یاسا شکێنی  و خیانەت و داڵدەدانی تاوانباران بەڵام هێشتا کوردایەتی بە لایەنی دیکە دەفرۆشێتەوە".

"ئەوەی لەچەند رۆژی رابردوودا بینیمان بەفەرمانی شەخسی رۆژنامەنووس بفڕێندرێت و حوکم بدرێت و هەر بە فەرمانی شەخسیش ئازاد بکرێت، کە ئەمە ئەوە دەسەلمێنێت هیچ بەهایەک بۆیاسا لەم هەرێمە بەتایبەت لەم کابینەیەدا نەماوە"، باڵامبۆ محەمەد وایوت.

باڵامبۆ محەمەد وتیشی:"یاسا شکێنی بۆ لایەنێک لەهەرێمی کوردستان نوێ نییە وەک چۆن لەرابردوودا بینیمان دەرگای پەرلەمانیان داخست و رێگرییان لەسەرۆکی پەرلەمان کرد بچێتە هەولێر، یاخود بەنایاسایی هەوڵی کاراکردنەوەی کۆمسیۆنی باڵای سەربەخۆی هەڵبژاردنەکانیان دا، هەروەها لە دوو رۆژی رابردوودا بینیمان بەفەرمانی شەخسی رۆژنامەنووس شێروان شێروانی دووبارە حوکم درایەوە، ئەمانە هەمووی پەڵەیەکی رەشن بەناوچاوانی لایەنێکەوە، بۆیە هەق وایە یەکێک ماڵی لە نایلۆن نەک لەشوشەش بێت بەرد نەگرێتە ماڵی خەڵک".

PUKMEDIA