سبەی کۆنفرانس بۆ رەتکردنەوەی لۆزان دەکرێت

PUKMEDIA

سالار مەحمود

بڕیارە هەزاران کورد ئامادەی تێپەربوونی ١٠٠ ساڵەی لۆزان بن، تا ستەمی سەد ساڵەی لۆزان لەسەر کوردو کوردستان بەگشتی پەیمانی شومی لۆزان رەتبکرێتەوە. 

سالار مەحمود چالاکوان و چاودێری سیاسی کە بەشدارە بە PUKMEDIA ی راگەیاند:"چاوەڕوان دەکرێت ١٠٠ ھەزار کورد و دۆستەکانی، رۆژی ٢٠٢٣/٧/٢٤ لەبەردەم ئەو ھۆڵەی پەیماننامەکەی تیا واژۆ کرا، ئامادەبن".

 "رەوەندی کوردستانی و ھەموو کەسێک کە دەتوانێ ئامادەو بەشدار ببێ با ئامادە ببێت" سالار مەحمود وایوت.

بەوتەی سالار مەحمود ئاستەنگ لەبەردەم ئەم پرسە نیشتمانیەدا ھەیەو ھەبوو، بەڵام کوردستانیان و دۆستە بیانیەکان و نوێنەرانی ھەرە زۆرینەی پارت و ئۆرگانە سیاسی و مەدەنیە کوردستانیەکان لەھەموو شوێنێکی دونیاوە بەڕێکەوتوون بۆ ئەو وەرچەرخانە گرنگەو بەشداریکردن لە کۆنفرانسی سەد ساڵەی لۆزان. 

بڕیارە لە رۆژانی ٢٢-٢٣- ٢٠٢٣/٧/٢٤ کۆنفرانسەکە دەستپێبکات بە ئامانجی رەتکردنەوەی پەیماننامەی لۆزان، سەدەیەک بەسەریدا تێدەپەڕێت. 
PUKMEDIA