بەئامادەبوونی سەرۆک بافڵ یەکێتی و پارتی کۆبوونەوە

تایبەت

بەپەلە

کۆبوونەوەی هەردوو وەفدی باڵای یەکێتیی نیشتمانیی کوردستان و پارتی دیموکراتی کوردستان بەئامادەبوونی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان لە پیرمام دەستیپێکرد.


پێشتریش سالار لالە سەرحەد لێپرسراوی بۆردی پەیوەندییە کوردستانییەکانی یەکێتی و ئەندامی وەفدی یەکێتی بۆ کۆبونەوە لەگەڵ پارتی بەسایتی رەسمی یەکێتیی نیشتمانیی کوردستان PUKMEDIA ی ڕاگەیاند: "کۆبوونەوە باڵاکە  درێژەپێدەری کۆبوونەوەکانی رابردووی نێوان هەردوو لایە و بۆ ئاساییکردنەوەی پەیوەندییەکانە".


"هاوکات پرسی هەڵبژاردن و بارودۆخی ناوخۆی هەرێمی کوردستان و پەیوەندیەکانی هەرێم و بەغدا تەوەری کۆبونەوەکە دەبێت"، سالار لالە سەرحەد وایوت.


ئەمەش لەکاتێکدایە رۆژی 25-6-2023 هەردوو وەفدی باڵای یەکێتیی نیشتمانیی کوردستان و پارتی دیموکراتی کوردستان لە بارەگای مەكتەبی سیاسی یەكێتی لە هەولێر کۆبوونەوە، بۆ تاوتوێکردنی هەڵسەنگاندنی بارودۆخی هەرێم و عیراق و ئەو ئاڵەنگارییانەی لە بەرامبەر کورد هەیە بۆ داهاتوو، هەروەها تەوەرێکی دیکەی کۆبوونەوەکە دانانی بەرنامەی چارەسەر بوو، بۆ ئەو کێشە و گرفتانەی هەن، لەگەڵ پێداچوونەوەی پەیوەندییەکانی نێوان یەکێتی و پارتی و بەهێزکردنی پەیوەندییەکانیان.


PUKMEDIA