لیوا عومەر: چوار لیوای هێزەکانی ٧٠ ئامادەن بخرێنە سەر وەزارەتی پێشمەرگە

PUKMEDIA

لیوا عومەر ساڵح سەرۆكی دەستەی ئەركانی هێزەكانی 70ی پێشمەرگە

هێزەكانی 70 لەئەمساڵدا ٤ لیوا ئامادە دەکەن بخرێنە سەر میلاكی وەزارەتی پێشمەرگە، سەرۆكی دەستەی ئەركانی هێزەكەش دەڵێت:" ئێمە وەک هێزەکانی ٧٠ دەرێخیمان نەکردووە، بەڵام بەداخەوە لە سەرەتای مانگەکانی ئەمساڵدا پرۆسەکە لە وەزارەتی پیشمەرگە و ئەنجومەنی وەزیران، تاوەکو ئێستا فەرمانی بۆ دەرنەکراوە".


لیوا عومەر ساڵح  سەرۆكی دەستەی ئەركانی هێزەكانی 70ی پێشمەرگە رایگەیاند:" دوو ساڵە هەنگاوەکانمان خیراتر کردووە بەتایبەت ناردنی هێزی پشتیوانی ٢ کە کاریگەرترین و زۆرترین هێزی ئەم دەڤەرە بووە، ساڵی پار خراونەتە سەر میلاکی وەزارەتی پێشمەرگە، هاوکات چەند لیوایەکی دیکەشمان بەهەمان شێوە فەرمانەکانی دەرچووە کە بخرێنە سەر وەزارەتی پیشمەرگە".

" لەئەمساڵیشدا ٤ لیوای دیکەمان ئامادەکردووە بیانگوێزینەوە بۆسەر میلاکی وەزارەتی پێشمەرگە، بەڵام بەداخەوە لە سەرەتای مانگەکانی ئەمساڵدا پرۆسەکە لە وەزارەتی پیشمەرگە و ئەنجومەنی وەزیران، تاوەکو ئێستا فەرمانی بۆ دەرنەکراوە، ئەمەش ئەرکی سەرشانی حکومەتی هەرێم و وەزارەتی پێشمەرگەیە، ئێمە وەک هێزەکانی ٧٠ دەرێخیمان نەکردووە و بەردەوامیش دەبین"، لیوا عومەر وایوت.

PUKMEDIA \ تەلەفزیۆنی گەلی کوردستان