سەرۆک بافڵ پشتیوانی بۆ ئاغای مەحمودیان دەردەبڕێت

نووسینگەی رۆژنامەوانی سەرۆکی یەکێتی

کۆبوونەوەی سەرۆک بافڵ و سەرکونسوڵی نوێی کۆماری ئیسلامیی ئێران لە سلێمانی

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە ئاغاى مەحموديان، سەرکونسوڵی نوێی کۆماری ئیسلامیی ئێران لە سلێمانی کرد.

‏‎لەدیدارەکەدا گەشەپێدانی پەیوەندییەکان و پەرەپێدانی هەماهەنگییەکانی هەرێمی كوردستان و ئێران بەتایبەت لەڕووی ئابوورییەوە گفتوگۆی لەبارەوەکرا و هەردوولا رەخساندنی دەرفەتی زیاتریان بۆ فراوانکردنی ئاڵوگۆڕە بازرگانییەکان دووپاتکردەوە.

‏‎سەرۆک بافڵ جەلال تاڵەبانی پیرۆزبایی دەستبەکاربوونی لە ئاغاى مەحموديان کرد و هیوای خواست هاوکار و یارمەتیدەر بێت لە گەشەکردن و بەهێزترکردنی ژێرخانی ئابووریی هەرێم و لەو رووەشەوە هەموو پشتیوانییەکی بۆ سەرخستنی ئەرکەکەی دەربڕی.
PUKMEDIA