مەكتەبی سیاسیی: چیتر ژیان و گوزەرانی خەڵك نابێتە كەرەستەی ململانێی ناڕەوا

PUKMEDIA

یەكێتیی نیشتمانیی كوردستان

مەكتەبی سیاسیی یەكێتی بەبۆنەی پەسەندكردنی پێشنیازەكانی حزبەكەی لە یاسای بودجەی عیراق و دەنگدان لەسەر پێدانی ئەولەویەت بە موچە و گوزەرانی پارێزگاكانی هەرێم، پەیامێكی پیرۆزبایی ئاڕاستەی  فراكسیۆنی یەكێتی دەكات و رایدەگەیەنێت: "پێداگری ئازایانەتان لە بەرژەوەندی تەواوی كوردستانە و ناهێڵن چیتر ژیان و گوزەرانی خەڵك نابێتە كەرەستەی ململانێی ناڕەوا".


دەقی پەیامەكە:

پەیامی پیرۆزبایی بۆ فراكسیۆنی یەكێتی

بەرێزان لە  فراكسیۆنی یەكێتی،  نوێنەرانی راستەقینەی كۆمەڵانی خەڵكی كوردستان

بەبۆنەی پەسەندكردنی پێشنیازەكانی یەكێتی  لە یاسای بودجەی عیراق بۆ ساڵی 2023 و دەنگدان لەسەر پێدانی ئەولەویەت بە موچە و گوزەرانی پارێزگاكانی هەرێم، پیرۆزبایی گەرم و دەستخۆشیتان لێ دەكەین، هەماهەنگی و پێداگری ئازایانەی ئێوە لە گفتوگۆكانی ئەنجومەنی نوێنەران بووەتە مایەی دڵنیایی بۆ جەماوەری سلێمانی و هەڵەبجە و گەرمیان و راپەرین و لە بەرژەوەندی تەواوی كوردستانیشە  كە چیتر غەدر لە سلێمانی و هیچ شارێكی كوردستان ناكرێت و ژیان و گوزەرانی خەڵك نابێتە كەرەستەی ململانێی ناڕەوا.

دەستتان خۆش و سەركەوتووبن 

مەكتەبی سیاسیی 
یەكێتیی نیشتمانیی كوردستان

PUKMEDIA