کۆبوونەوەی پەرلەمانی عیراق لەسەر بودجە دەستیپێکردەوە

PUKMEDIA

ئەنجومەنی نوێنەرانی عیراق

کۆبوونەوەی پەرلەمانی عیراق بۆ دەنگدان بە پڕۆژەیاسای گشتیی بودجە دەستیپێکردەوە و  258 پەرلەمانتار ئامادەی دانیشتنی كۆبوونەوەکەن. 

هەرچەندە بڕیاربوو کۆبوونەوەی پەرلەمانی عیراق بۆ دەنگدان بە پڕۆژەیاسای گشتیی بودجە تاشەممەی داهاتوو دوابخرێت، بەڵام لە ئێستادا سەرۆک و جێگری پەرلەمان لە هۆلی پەرلەمانن بۆ دەستپێکردنەوەی دانیشتنەکە.

دوای دابەشکردنی پرۆژەیاسای بودجەی عیراق، دەنگ لەسەر چەند ماددەیەک درا، ماددەى1 و ٣ ى ٥ پەسەندکران، ماددەى چوارەم لادرا و ماددەى دووهەم دواخرا بۆ کاتیکى تر، هاوکات ماددەى شەشەم و حەوتەم و هەشەمیش پەسەندکران.

پەرلەمانتارێکی فراکسیۆنی یەکێتی لە نوێنەرانی عیراق بە PUKMEDIA ی راگەیاند:" سەرۆکی پەرلەمان مۆلەتی ۲٤ کاتژمێری داوە بە لیژنەی دارایی بۆ ئەوەی کارەکانی خۆی تەواو بکات".

PUKMEDIA