یەكێتی هەمیشە خەبات بۆ كەركوك دەكات

PUKMEDIA

دەرباز كۆسرەت رەسوڵ و ئاسۆ مامەند و ژمارەیەك لە ئەندامانی سەركردایەتی

رۆژی 7-6-2023، دەرباز كۆسرەت رەسوڵ كارگێڕی مەكتەبی سیاسی سەردانی كەركوكی كرد و لەبارەگای مەكتەبی سیاسی لەلایەن ئاسۆ مامەند كارگێڕی مەكتەبی سیاسی و ژمارەیەك لە ئەندامانی سەركردایەتییەوە پێشوازی لێكرا.

لە سەردانەكەیدا دەرباز كۆسرەت رەسوڵ بە هاوڕێیەتی ئاسۆ مامەند كارگێڕی مەكتەبی سیاسی و ژمارەیەك لە هەڤاڵانی سەركردایەتی سەردانی دەزگای هەڵبژاردنی یەكێتیان كرد و  لەچۆنیەتی كاركردن و هەنگاوەكانیان پرسییەوە و پشتیوانی خۆیان بۆ دەربڕین.

دواتر هەریەك لە ئاسۆ مامەند و دەرباز كۆسرەت رەسوڵ سەردانی گوندی هەیبەیان كرد و چاویان بە ژمارەیەك لە كەسایەتی هۆز و عەشیرەتەكان كەوت، سەرەڕای دووپات كردنەوە لە گرنگی كەركوك و پێكەوەژیان لە شارەكە، دەرباز كۆسرەت رەسوڵ باسی لە گرنگی كەركوك وەك شارێكی كوردستانی كرد و دووپاتیشی كردەوە: "یەكێتیی نیشتمانیی كوردستان وەك هەمیشە خەبات دەكات لەپیناو كەركووك و خزمەتكردنی كەركووكییەكان".

لە بەشێكی تری سەردانەكەیدا دەرباز كۆسرەت رەسوڵ و ئاسۆ مامەند كارگێڕانی مەكتەبی سیاسی بەیاوەری ژمارەیەك لە هەڤاڵانی سەركردایەتی لەناحیەی قەرەهەنجیر سەردانی لیوای یەكی وەزارەتی پێشمەرگەیان كرد و ستایشی رۆڵی قارەمانانەی هێزی پێشمەرگەیان كرد لەپاراستنی كوردستان.

هەر لەدرێژەی ئەو سەردان و بەسەركردنەوانەدا هەڤاڵ ئاسۆ مامەند بە یاوەی هەڤاڵ دەرباز كۆسرەت رەسوڵ و هەڤاڵانی سەركردایەتی لە ناحیەی قەرەهەنجیر سەردانی لیوای یەكی وەزارەتی پێشمەرگەیان كرد و لەلایەن فەرماندەی لیوای یەكەوە بە گەرمی پێشوازیان لێكرا، لەو سەردانەدا پشتیوانی یەكێتیی نیشتمانیی كوردستانیان بۆ هێزەكانی پێشمەرگە دووپات كردەوە و ستایشی رۆڵی قارەمانانەی هێزەكانی پیشمەرگە كرا لە پاراستی خاك و خەڵكی كوردستان.

PUKMEDIA