تیرۆریستێكی داعش لە هەڵەبجە دەستگیر دەكرێت

PUKMEDIA

ئاسایش

دەزگای ئاسایشی هەرێم تیرۆریستێك لە هەڵەبجە دەستگیر دەكات كە لەلایەن دادگای ئەنبارەوە داواكراوە.

بەپێی راگەیەندراوێكی دەزگای ئاسایشی هەرێمی كوردستان كە وێنەیەكی بۆ سایتی رەسمی یەكێتیی نیشتمانیی كوردستان PUKMEDIA نێردراوە، ئاشكرایدەكات: " لەسەر بنەمای زانیاری هەواڵگری و بەدواداچوون، بەهاوكاری ئاسایشی نیشتمانی عیراق، تیرۆریستێكی داعش دەستگیركرا كە داواكراوە لە دادگای ئەنبار و بەمەبەستی خۆحەشاردان ڕویكردۆتە سنوری پارێزگای هەڵەبجە" .

لە راگەندراوەكەدا هاتووە: "دوای چاودێری و ئاشكراكردنی شوێنی مانەوەی ، شەوی 29 ی 5 ی 2023 بەڕێوەبەرایەتی ئۆپراسیۆنەكانی دەزگای ئاسایشی هەرێم، بەهاوكاری بەڕێوەبەرایەتی ئاسایشی شارەزوور تۆمەتبار ( ح ، ك ، أ ) یان دەستگیركرد پاش لێكۆڵینەوە رادەستی دادگای ئەنبار دەكرێتەوە".

PUKMEDIA