سەرۆک کۆمار پیرۆزبایی لە سەرۆکی تورکیا کرد

PUKMEDIA

سەرۆک کۆمار پیرۆزبایی لە سەرۆکی تورکیا کرد

سەرۆک کۆمار دکتۆر لەتیف جەمال ڕەشید، ئەمڕۆ دووشەممە 29-5-2023 پەیامێکی پیرۆزبایی ئاراستەی، بەڕێز ڕەجەب تەیب ئەردۆغان کرد، بەبۆنەی سەرکەوتنی و هەڵبژاردنەوەی بە سەرۆکی تورکیا.

 ئەمەش دەقی پەیامەکەیە:

بەڕێز سەرۆک ڕەجەب تەیب ئەردۆغان
سەرۆک کۆماری تورکیا
بەناوی خودای گەورە و میهرەبان

بەبۆنەی دووبارە هەڵبژاردنەوەتان بۆ خولی نوێی سەرۆکایەتی، بە ناوی گەلی عێراق و بە ناوی خۆمان گەرمترین پیرۆزباییتان لێ دەکەین لەگەڵ هیوای سەرکەوتن لە ئەرکەکانتان و لە خودای گەورەش دەپاڕێنەوە کە خێر و خۆشی و خۆشگوزەرانی بەڕژێنێت بە سەر گەلەکەتاندا.
ئەم بۆنەیە بەدەرفەت دەزانین بۆ دوپاتکردنەوەی خواستی عێراق بۆ هاریکاری و پەرەپێدانی پەیوەندییه دۆستانەکانی نێوان هه ردو  وڵات و گەلی دۆست، کە یارمەتیدەر بێت بۆ پتەوکردنی ئاسایش و سەقامگیری و ئاشتی ناوچەیی و نێودەوڵەتی.

لەگەڵ ئەوپەڕی ڕێزمان

دکتۆر عەبدول لەتیف جەمال ڕەشید
سەرۆک کۆماری عێراق

PUKMEDIA