مەكتەبی راگەیاندن پیرۆزبایی لە تۆڕی میدیایی رووداو دەكات

PUKMEDIA

مەكتەبی راگەیاندن پیرۆزبایی لە تۆڕی میدیایی رووداو دەكات

بەبۆنەی تێپەڕبوونی 10 ساڵ بەسەر دامەزراندنی تۆڕی میدیایی رووداو، مەكتەبی راگەیاندن یەكێتیی نیشتمانیی كوردستان پەیامێكی پیرۆزبایی ئاڕاستەی میدیاكاران و ستافی هونەری كەناڵەكە دەكات و رایدەگەیەنێت: "هیوادارین زیاتر و زۆرتر گرنگی بە بیری كوردایەتی و پرەنسیپەكانی میدیا و كاری پرۆفیشناڵانە بدەن".

كە ئەمە دەقەكەیەتی:

بەبۆنەی تێپەڕبوونی 10 ساڵ بەسەر دامەزراندنی تۆڕی میدیایی رووداو، پیرۆزبایی گەرم لە سەرجەم میدیاكاران و ستافی هونەری و هەموو ئەو كەسانە دەكەین كە رۆڵیان هەیەو هەبووە لە خزمەتكردنی  كاروانی رۆژنامەگەریی ئەم تۆرە میدیاییەدا..

هیوادارین بیری كوردایەتی و پرەنسیپەكانی میدیا و كاری پرۆفیشناڵانە وەك چۆن گرنگی پێدراوە، زیاتر و زۆرتر لەچوارچێوی بەرژوەوەندییەكانی میللەتەكەماندا رەنگ بداتەوە..

هیوای پێشكەوتنی زیاتر و سەلامەتی پیشەییتان بۆ دەخوازین

 بەجێهێنانی ئەركی قورستان بەرز دەنرخێنین

ئیتر بەرەو كار میدیایی رەسەن و هاوچەرخ


مەكتەبی راگەیاندن
یەكێتیی نیشتمانیی كوردستان

PUKMEDIA