سەرۆک بافڵ: کێشەکانی هەرێم تەنها بە گفتوگۆو لێکتێگەیشتن چارەسەر دەکرێن

نوسینگەی رۆژنامەوانی سەرۆک بافڵ

کۆبوونەوەی سەرۆک بافڵ و ئۆلیڤییێ دیکوتینێ

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیکرد لە ئۆلیڤییێ دیکوتینێ، کونسوڵی گشتیی فەڕەنسا لە ھەرێمی کوردستان.

لەدیدارەکەدا دۆخی سیاسیی هەرێم و پرسی هەڵبژاردن تاوتوێکرا و لەوبارەیەوە سەرۆک بافڵ هەڵوێستی یەکێتی روونکردەوە و رایگەیاند، هیچ رێگایەک ناتوانێت کێشەکانی هەرێم چارەسەر بکات جگە لە گفتوگۆ و لێکتێگەیشتن.

پێویستە هەموومان میکانیزمێکی گونجاو و نیشتمانی بۆ چارەسەرکردنی کێشەکان بدۆزینەوە و بڕوامان بە سازان و پێکەوەیی هەبێت، ئەمەش ئەو هەنگاوە نیشتمانییەیە کە بەرەو ئاشتەوایی و سەقامگیریمان دەبات.

لە درێژەی دیدارەکەدا پەرەپێدانی پەیوەندییەکانی نێوان هەردوولا و فراوانکردنی هەماهەنگییەکان بە ئامانجی بەدیهێنانی بەرژەوەندییە باڵاکان و خزمەتکردن بە بەرژەوەندییە گشتییەکان جەختیلێکرایەوە.

PUKMEDIA