بەئامادەبوونی سەرۆک کۆمار فێستیڤاڵی ساڵانەی زانکۆی سلێمانی کرایەوە

تایبەت

ئامادەبوونی سەرۆک کۆمار لە فێستیڤاڵی ساڵانەی زانکۆی سلێمانی

بەئامادەبوونی دکتۆر لەتیف ڕەشید سەرۆککۆمار و خاتوو شاناز ئیبراهیم ئەحمەد خانمی یەکەمی عیراق، لەژێر دروشمی (زانکۆ لە شاڕێی متمانەی کۆمەڵگەدا) فێستیڤاڵی ساڵانەی زانکۆی سلێمانی کرایەوە. 

لەو فێستیڤاڵەدا کەرۆژی پێنج شەممە ١٨/٥/٢٠٢٣ و بەئامادەبوونی وەزیرانی ڕۆشنبیری و کۆچ و کۆچبەرانی عێراق و وەزیری خوێندنی باڵا و توێژینەوەی زانستی و ژمارەیەک کەسایەتی و مامۆستایان و خوێندکارانی زانکۆ

بەڕێوەچوو، چەندین چالاکیی زانستی و کلتوریی و هونەریی و ژینگەیی شایستە پێشکەشکران.

هاوکات چەندین پڕۆژە و چالاکی ناوازەی خوێندکارانی کۆلێژەکانی زانکۆی سلێمانی  و گەنجانی بەهرەمەند نمایش کران، لە بوارەکانی(پزیشکی، یاسایی، ئەندازیاری، وەرزشی، کشتوکاڵی، هونەری، میدیایی،  زانستی) و چەندین بواری دیکەی جێ بایەخدا. 

هەر لەرێورەسمەکەدا خانمى یەکەمى عیراق کۆبەرهەمی نوسەر و پارێزەر و سیاسەتمەدار مامۆستا ئیبراهیم ئەحمەد-ى پێشکەش بە سەرۆکی زانکۆی سلێمانی کرد و ستایشى بەرێزیان و مامۆستا و خوێندکارانى زانکۆى دایکی کرد بۆ رێکخستنى فێستیڤاڵەکە.

PUKMEDIA