14كونسوڵخانە داوای هەڵبژاردنی پەرلەمان و حكومەت دەكەن

PUKMEDIA

هەڵبژاردن

14 كونسوڵخانە و نوێنەرایەتیی دیپلۆماسی داوا لە پەرلەمانی كوردستان و حكومەتی هەرێمی كوردستان دەكەن هەموو هەنگاوێكی پێویست بۆ هەڵبژاردن بەبێ دواخستنی زیاتر بنێن و جەخت لە هەڵبژاردنی ئازاد و دادپەروەرانە دەكەنەوە.

هەریەك كونسوڵخانە گشتییەكان و نوێنەرایەتییە دیپلۆماسییەكانی بەریتانیا، ئەمریكا، ئەڵمانیا، هۆڵەندا، كەنەدا، یەكێتی ئەوروپا، فەڕەنسا، چیك، یۆنان، ئیتاڵیا، بولگاریا، پۆڵەندا، رۆمانیا دەستخۆشی لە حكومەتی هەرێم و پەرلەمان و خەڵكی هەرێمی كوردستان دەكەن بۆ پابەند بوونی بەردەوامیان بۆ بنەما و بەها دیموكراسییەكان و پێشوازیكردن لە رۆحی نوێبوونەوەی هاوكاری نێوان لایەنەكان و داواشیان لێدەكەن بەبێ دواخستنی زیاتر هەنگاو بۆ هەڵبژاردن بنێن.

هاوكات ئەو كونسوڵخانە و نوێنەرایەتیی دیپلۆماسیانە جەخت لە هەڵبژاردنی ئازاد و دادپەروەرانە دەكەنەوە و داواش لەلایەنە سیاسی و پەیوەندیدارەكانی هەرێم و عیراق دەكەن بە هاوبەشی كاربكەن و ئەو ئاستەنگانەی كە ماونەتەوە تێیپەڕێنن بەمەبەستی زامنكردنی پڕۆسەیەكی هەڵبژاردن كە پابەندبێت بە پێوەرە نێودەوڵەتییەكان و مافەكانی سەرجەم هاووڵاتیان بپارێزێت، لەوانەش ژنان و كەمینەكان.


PUKMEDIA