سەرۆك بافڵ: یەكێتی سازش لەسەر ژیان و كەرامەتی خەڵك و كادرانی ناكات

نووسینگەی سەرۆكی یەكێتی

سەرۆك بافڵ پێشوازی لە فەیسەڵ كەریم خان برادۆستی و كاروان گەزنەیی كرد

بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازیكرد لە فەیسەڵ كەریم خان برادۆستی، ئەندامی سەركردایەتی و كاروان گەزنەیی، ئەندامی پەرلەمانی كوردستان.

‏‎سەرۆك بافڵ جەلال تاڵەبانی ئاماژەی بەو هێرشە چەكدارییە كرد كە لە چەند شەوی رابردوودا كرایەسەر پەرلەمانتار كاروان گەزنەیی و رایگەیاند: "هێرشەكە مایەی نیگەرانییە و دەبێت هەر كەس و لایەنێك ئەم تاوانەیان ئەنجامداوە رووبەڕووی یاسا بكرێنەوە، یەكێتیی نیشتمانیی كوردستان سازش لەسەر ژیان و كەرامەتی خەڵك و كادرە دڵسۆزەكانی ناكات و دەبێت ئەم كەیسە رێڕەوی یاسایی خۆی وەربگرێت".

‏‎لەبەرامبەردا كاروان گەزنەیی سوپاسی پەرۆشی و بەدەنگەوەهاتنی سەرۆك بافڵ جەلال تاڵەبانی كرد كە لەسەرەتای رووداوەكەوە لەپەیوەندیدا بووە و لە خەمی سەلامەتیی ئەواندا بووە.

PUKMEDIA