پرسەنامەی کۆسرەت رەسوڵ بۆکۆچی دوایی حاجی خانێ

PUKMEDIA

پرسەنامە

کۆسرەت رەسوڵ عەلی پرسەنامەیەک ئاراستەی کاک نەهرۆو خانەوادەی مام سەعید سۆفی دەکات.

دەقی پرسەنامەکە..

برایانی بەڕێزم کاک نەهرۆ سەعید سۆفی و مام زیاد حاجی ئیبراهیم قەراجی

بەداخێکی زۆرەوە هەواڵی کۆچی دوایی (حاجی خانێ حاجی ئیبراهیم) دایکی بەڕێزتان و خێزانی مام سەعید سۆفی-م بیست، دڵگران و خەمباری کردم، هاوبەشی خەمتانم.

حاجی خانێ ژنێکی قارەمان و تێکۆشەر بوو، منداڵەکانی بە هەستی کوردانەو خەباتگێڕانە پەروەردە کرد، لەپێناو کوردایەتی زیندانەکانی بەعسی بینی و ئەشکەنجەو ئازار درا، بەداخەوە بۆ لەدەستدانی.

بۆ ئەم کۆستەو لەدەستدانی ئەم ژنە تێکۆشەرە پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.


کۆسرەت رەسوڵ عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

PUKMEDIA