بەهەوڵی سەرۆکی یەکێتی هەڵەبجە سەوزتر دەکرێت

PUKMEDIA

پرۆژەی ئاشتکردنەوەى سلێمانی و سەوزکردنی کوردستان

لەچوارچێوەى پرۆژەی ئاشتکردنەوەى سلێمانی و سەوزکردنی کوردستاندا، هەڵمەتی نیشتمانی روواندنی یەک ملیۆن نەمام لەسەر بڕیار و راسپاردەى بافڵ جەلال تاڵەبانی سەرۆکی یەکێتیی نیشتمانیی کوردستان بەردەوامە و رۆژی دووشەممە ١٥/٥/٢٠٢٣ نەمام روواندن لە پارێزگای هەڵەبجە دەستیپێکرد.

حسێن حەمە کەریم نوێنەری نووسینگەی سەرۆک بافڵ جەلال تاڵەبانی رایگەیاند: "بەمەبەستی خزمەتکردنی هاوڵاتیانی سنوری پارێزگای هەڵەبجە و زیادکردنی رووبەری سەوزایی و فەراهەمکردنی ژینگەیەکی لەبار، ئەمڕۆ هەڵمەتەکە لەنێو دارستانی گوڵان سەر بەبەڕێوەبەرایەتی دارستان و پاوانی هەڵەبجە بەڕێوەچوو".

وتیشی: "لەسەر ئاستی پارێزگاکە پێشوازییەکی باشی لێکرا و بەئامادەبوونی لێپرسراوانی حزبی و حکومی و بەڕێوەبەرانی فەرمانگە پەیوەندیدارەکان و مامۆستایانی زانکۆ و خەمخۆرانی ژینگە و دارستان بەڕێوەچوو".

هەر لەوبارەیەوە و لەمیانی بەشداریکردنی لەهەڵمەتەکەدا، سەرهەنگ عەبدولرەحمان بەڕێوەبەری فەرمانگەی ژینگەی هەڵەبجە دەستپێشخەرییەکەی سەرۆک بافڵ جەلال تاڵەبانی بۆ سەوزکردنی کوردستانی بەمۆدیلێکی نوێ و جیاواز وەسف کرد بەوپێیەی کە کەسێکی سیاسی لەدەرەوەی حکومەت خەمێکی نیشتمانیی لەئەستۆگرتووە و خزمەت بەژینگە و دارستان دەکات.
PUKMEDIA