بڕیاردەری دەستەی كارگێڕی مەكتەبی سیاسی سەردانی مەکتەبی راگەیاندن دەکات

PUKMEDIA

سەردانی رەفعەت عەبدوڵڵا بۆ مەکتەبی راگەیاندن

رەفعەت عەبدوڵڵا بڕیاردەری دەستەی كارگێڕی مەكتەبی سیاسی سەردانی مەكتەبی راگەیاندنی كرد و بەشێكی كەناڵەكەنی راگەیاندنی بەسەر كردەوە.

ئەمڕۆ یەک شەممە 14-5-2023، هەڤاڵ رەفعەت عەبدوڵڵا بڕیاردەری دەستەی كارگێڕی مەكتەبی سیاسی یەكێتیی نیشتمانیی كوردستان سەردانی مەكتەبی راگەیاندنی كرد و لە لایەن هەڤاڵ ستران عەبدوڵڵا لێپرسراوی مەكتەب و هەڤاڵانی مەكتەبەوە پێشوازی لێكرا.

 لە كۆبونەوەیەكدا هەڤاڵ رەفعەت عەبدوڵڵا دوا پەرەسەندنەكانی رەوشی بەغدا و سەردانی وەفدی باڵای یەكێـتی بۆ لای حزب و لایەنە سیاسییەكانی عیراقی روونكردەوە و بۆ سیاسەتی یەكێتیش لە قۆناغی داهاتوودا تەئكیدی لەسەر پێویستی چارەسەری كێشەكان بە قازانجی ژیان و گوزەرانی كۆمەڵانی خەڵكی كوردستان كردەوە کە پێویستە ئەم روانینە نیشتمانییەی یەكێتی لە مینبەرەكانی میدیا و بەرنامەکانی رەنگبداتەوە.

لە كۆبوونەوەكەدا جەخت كرایەوە سەر رێوشوێنەكانی پێشخستنی راگەیاندنی یەكێتی و كەڵك وەرگرتن لە هەموو تواناكانی هەڤاڵانی راگەیاندن بەبێ جیاوازی، چونكە ئەمە هەم ئەركێكی یەكێتیانە و هەمیش پێویستییەكی گرنگی پێشخستنی راگەیاندنە.
PUKMEDIA