کۆریا: کۆبونەوەی مەسرور بارزانی و قوباد تاڵەبانی بنیاتنەر و بەرهەمدارە

PUKMEDIA

پەیجی کۆنسوڵخانەی گشتی کۆماری کۆریا

كونسوڵی گشتی كۆماری كۆریا لە هەولێر پێشوازی لە كۆبوونەوەی نێوان سەرۆك وەزیران و جێگری سەرۆك وەزیرانی حكومەتی هەرێمی كوردستان دەكات.

کۆنسوڵخانەی گشتی کۆماری کۆریا لەپەڕەی تایبەتی خۆی لە تۆڕی کۆمەڵایەتی فەیسبوک رایگەیاندوە: "چۆ كیجۆنگ كونسوڵی گشتی كۆماری كۆریا لە هەولێر خۆشحاڵە بە پێشوازیكردن لە كۆبوونەوەی سەرۆك وەزیران مەسروور بارزانی و جێگری سەرۆك وەزیران قوباد تاڵەبانی كە لە ڕێكەوتی 8ـی ئایاری 2023 ئەنجامدرا".

ئەوەش هاتووە: "بە دڵنیاییەوە ئەم کۆبوونەوەیە دەستپێکێكی باش دەبێت لە هێنانە ئارای چارەسەری بنیاتنەر بۆ زۆرێک لە پرسە هەڵپەسێردراوەکان، لە دڵەوە ئاواتەخوازم کە ئەم گەرم و گوڕییە باشە بەردەوامبێت و ڕێوشوێنی بەرهەمدار لە ڕێگەی گفتوگۆوە دابنرێت".

هاوکات کۆنسوڵی گشتی بەریتانیا لەهەولێر و یاریدەدەری وەزیری دەرەوەی ئەمریکا و باڵیۆزی ئەمەریکا لە عیراق خۆشحاڵبون بە کۆبونەوکەی جێگر و سەرۆکی حکومەتی هەرێم و هیوا دەخوازن سەرەتای پرۆسەیەکی رێککەوتنی ئاشتەوایی و هاوکار بێت و رێگە بەحکومەت بدات بەشێوەیەکی کاریگەر کاربکات.

PUKMEDIA