وەفدی یەكێتی و رەوتی حیكمە: پەیوەنییەكان پتەوتر دەكەین

PUKMEDIA

وەفدی یەكێتی و رەوتی حیكمە: پەیوەنییەكان پتەوتر دەكەین

ئەمڕۆ پێنج شەممە  27ی نیسانی 2023، وەفدێكی مەكتەبی سیاسی یەكێتیی نیشتمانیی كوردستان  بە سەرۆكایەتی رەفعەت عەبدوڵڵا بریاردەری دەستەی كارگێڕی مەكتەبی سیاسی لەگەڵ رزگار حاجی حەمە و خالید شوانی ئەندامانی مەكتەبی سیاسی و نزار ئامێدی وەزیری  ژینگە، لە شاری بەغدا سەردانی سەماحەتی عەممار ئەلحەكیم سەرۆكی رەوتی ئەلحیكمەیان كرد .

لە كۆبونەوەكەدا وەفدی  هەردوولا وێڕای تاوتوێكردنی بارودۆخی گشتی وڵات تەئكیدیان  لە پتەوكردنی  پەیوەندییەكانی  نێوانیان كردەوە . بودجەی عیراق و یاسای هەڵبژاردنەكان  بەشێكی تری گفتوگۆكانی كۆبوونەوەكە بوون كە بیروڕایان لەبارەوە ئالوگۆڕكرا و لێكتێگەیشتن لەبارەیانەوە هەبوون .

هەر لەمیانی سەردانەكەیاندا بۆ بەغدا رەفعەت عەبدوڵڵا بڕیاردەری دەستەی كارگێری مەكتەبی سیاسی لەگەڵ رزگار حاجی حەمە ئەندامی مەكتەبی سیاسی و ئەندازیار نزار ئامێدی وەزیری ژینگەی عیراق سەردانی دیوانی وەزارەتی دادی عیراقی كرد و لەلایەن دكتۆر خالید شوانی وەزیری داد پێشوازییان لێكرا.

لە دیدارێكدا وەزیری داد  ئەركەكانی وەزارەتەكەیانی خستەڕوو كە لە سەرجەم پرسە یاساییەكانی دامەزراوەكانی حكومەتی فیدراڵیدا ئەوان هەموو هەوڵێكیان خستووەتە كار تا یاسا سەروەربێت و مافی وەك یەكی و یەكسانی لە هەموو یەكە ئیدارییەكاندا بۆ هەموو لایەك رەچاوبكرێت .

PUKMEDIA