هەڵمەتی سەوزکردنەکەی یەکێتی زەڕایەنیشی گرتەوە

PUKMEDIA

هەڵمەتی ١ ملیۆن نەمام رواندن لەسەر راسپاردەی سەرۆک بافڵ

لەدرێژەی هەوڵەکان بۆ سەوزکردنی کوردستان، قۆناغێکی تری هەڵمەتی ڕواندنی ١ ملیۆن نەمام لەسەر بڕیار و ڕاسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان، بەئامادەبوونی قائیمقامی قەزای شارەزوور و بەڕێوەبەری ناحیەی زەڕایەن و بەڕێوەبەری فەرمانگەکانی سنورەکە بەڕێوەچوو. 

هاوکار جەلال بەڕێوەبەری دارستان و پاوانی سلێمانی رایگەیاند: "ئەمڕۆ دوو شەممە 17-4-2023  هەڵمەتی سەوزکردنی دارستانی زەڕایەن سەر بەهۆبەی دارستان و پاوانی شارەزوور بەڕێوەچوو کە توانیمان لەهەنگاوی یەکەمدا هەزاران نەمام بڕوێنین".

بەڕێوەبەری دارستان و پاوانی سلێمانی دەشڵێت: "کاروباری هەڵمەتەکەمان چڕترکردۆتەوە و تائێستا قۆناغی زۆرباشی بڕیوە و پێشوازییەکی بەرچاوی لێ دەکرێت لەلایەن لێپرسراوان و هاوڵاتیانی ناوچەکانەوە و بەهەنگاوێکی گرنگی دەزانن بۆ زیادکردنی رووبەری دارستانەکان".

"هەڵمەتەکە ڕواندنی نەمامی نوێشی لەخۆگرتووە لەجێی فەوتاوەکان سەرباری فەراهەمکردنی هەلی کار و دابینکردنی پێداویستیەکانی وەک سیاج و کردنەوەی رێگا وەک ئامادەکارییەک بۆ وەرزی ئاودان"، هاوکار جەلال وایوت.

PUKMEDIA