وەفدێکی نوێنەرانی عیراق لێکۆڵینەوە لە هێرشەکەی فڕۆکەخانەی سلێمانی دەکات

PUKMEDIA

فرۆکەخانەی سلێمانی

بڕیارە ئەمڕۆ وەفدێکی دیکە بۆ لێکۆڵینەوە لە هێرش و هەوڵی تیرۆرەکەی مەزڵوم عەبدی و ژمارەیەک فەرماندەی ئەمریکی، کە کرایە سەر فرۆکەخانەی نێودەوڵەتی سلێمانی، سەردانی شوێنی هێرشەکە بکەن، وەفدەکەش لە ئەنجومەنی نوێنەرانی عیراقەوەیە و پێشتریش وەفدێکی باڵای سەربازی و ئەمنی بۆ هەمان مەبەست دەستی بە لێکۆڵینەوە کرد.

كاروان یاروەیس ئەندامی ئەنجومەنی نوێنەرانی عیراق لە فراکسیۆنی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند:"دوای هێرشەکەی سەر فرۆکەخانەی سلێمانی، بڕیارە ئەمڕۆ ١٠-٤- ٢٠٢٣ لەسەر بڕیاری جێگری سەرۆکی یەکەمی پەرلەمان، کە لیژنەی ئاسایش و بەرگری پەرلەمانی بۆ لێکۆڵینەوە لەدەرخستنی راستییەکانی هێرش و هەوڵی تیرۆرەکەی مەزڵوم عەبدی و ژمارەیەک فەرماندەی ئەمریکی لە فرۆکەخانەی نێودەوڵەتی سلێمانی راسپارد، سەردانی شوێنی هێرشەکە بکەن.

"عەباس زاملی سەرۆکی لیژنەی ئاسایش و بەرگری پەرلەمان بەیاوەری چەند پەرلەمانتارێکی دیکە سەرۆکایەتی وەفدەکە دەکات و هاوکات وەفدی یەکێتی کە پێکهاتوون لە هەرێم کەمال ئاغا سەرۆكی فراكسیۆنی یەکێتی لە ئەنجومەنی نوێنەرانی عیراق و ئەندامێتی کەریم شکور و کاروان یاروەیس یاوەری وەفدەکە دەکەن". كاروان یاروەیس وایوت

ئەمەش لەکاتێکدایە دوای ئەنجامدانی هەوڵی تیرۆرەکە رۆژی ٨-٤-٢٠٢٣ وەفدی باڵای عیراق و ژمارەیەک لێپرسراوی ئەمنی بەمەبەستی لێکۆڵینەوە شوێنی رووداوی هێرشەکەی سەر فرۆکەخانەی سلێمانییان بەسەرکردەوە.

هاوکات فەرماندەی گشتی هێزەکانی سوریای دیموکرات پەیامێکی بڵاوکردەوە و رایگەیاند: " ئەو تۆمەتانە کە ئاڕاستەی هێزەکانی دژەتیرۆر دەکرێن بۆ شاردنەوە و چەواشەكردنی راستییەكانن "،راشیگەیاندووە:" هێزەکانمان لە ئەرک و هەماهەنگی بەردەوامدان لەگەڵ هاوبەشەکانمان لە ناوچەکە و دەمانەوێت ئەو راستییە روون بکەینەوە کە هێزەکانی دژەتیرۆر (CTG) لە رۆژی بەئامانجگرتنەکەدا لە فڕۆکەخانی سلێمانی لەگەڵمان بوون".

هێرشه‌كه‌ی فڕۆكه‌خانه‌ی سلێمانی تیرۆری نێوده‌وڵه‌تییه‌

به‌ به‌زاندنی ئاسمان و زه‌وی هه‌رێمی كوردستان و عیراق، توركیا تیرۆری یاسا نێوده‌وڵه‌تییه‌كان ده‌كات و سه‌رۆكی لیژنه‌ی په‌یوه‌ندییه‌كانی ده‌ره‌وه‌ش له‌په‌رله‌مانی عیراق ده‌ڵێت: "هێرشه‌كردنه‌ سه‌ر هه‌رێمی كوردستان و فڕۆكه‌خانه‌ی سلێمانی هیچ پاساوێك هه‌ڵناگرێت و پێشهاتێكی مه‌ترسیداره‌ بۆ عیراق".

PUKMEDIA