ره‌وه‌ند مه‌لا مه‌حمود: لایه‌نێكی به‌ناو كوردستانی بۆته‌ چاوساغ بۆ دووژمن

PUKMEDIA

رەوەند مەلا مەحمود

رەوەند مەلا مەحمود ئه‌ندامی سه‌ركردایه‌تی یەکێتیی نیشتمانیی کوردستان لە پەیامێکدا رایدەگەیەنێت، " لای كۆمه‌ڵانی خه‌ڵك روونه‌، كه‌ لایه‌نێكی به‌ناو كوردستانی بۆته‌ چاوساغ بۆ دووژمن و نه‌یارانی میله‌ته‌كه‌مان وسه‌راتاپای مێژووی خۆی كردۆته‌ ژێرپرسیاره‌وه‌".

دەقی پەیامەکە

به‌ئامانجگرتن و هێرشكردنه‌ سه‌ر فڕۆكه‌خانه‌ی نێوده‌وڵه‌تیی سلێمانی، به‌ نۆكه‌رایه‌تی و چاوساغی لایه‌نێكی كوردی ئیدانه‌ و مه‌حكوم ده‌كه‌ین و  داواش له‌ حكومه‌تی فیدڕاڵ ده‌كه‌ین، ئه‌ركی خۆی جێبه‌جێبكات و  سنورێك بۆ پێشلكاریه‌كان دابنێت و سیاده‌ی وڵات بپارێزێت.

لای كۆمه‌ڵانی خه‌ڵك روونه‌، كه‌ لایه‌نێكی به‌ناو كوردستانی بۆته‌ چاوساغ بۆ دووژمن و نه‌یارانی میله‌ته‌كه‌مان وسه‌راتاپای مێژووی خۆی كردۆته‌ ژێرپرسیاره‌وه‌، ئه‌م نۆكه‌رایه‌تی و جاشایه‌تیه‌ی ئێستاش ده‌ستی پێداوه‌، هیچ جیاوازیه‌كی نییه‌ له‌گه‌ڵ، كاره‌ساتی هه‌كاری و خیانه‌تی سیو یه‌كی ئاب و لێکەوتەکانی ‌ ریفڕاندۆم و ملکچکردنی بۆ وڵاتانی دراوسێ دژ بە میلەتەکەمان.

سیاسەتی بەردەوامیان دژ بە میلەتەکەمان، لە ئابووری سەربەخۆ و ھەراجکردنی نەوت و دواتریش، ملکەچکردن و شان ماچکردنەکەیان لە بەغدا، و تەسلیمکردنی مەلەفی نەوت، لەلایەک و موئامەرە بەردەوامییەکانیان دژ بە کەرکوک و خەڵکەکەی و دەستگیرکردنی چالاکوانان و رۆژنامەنووسان و ھاوڵاتیانی ئازدیخواز لە ھەولێر، کە بۆتە پیشەیان و پێگەی ھەرێمی لاوازکردوە، نەک ھاوکاری و پشتیوانی براکانمان لە بەشەکانی دیکەی کوردستان، و فەراھمکردنی ئازادی بیر و ڕا، و خزمەتکردنی ھاوڵاتیان، کە رێبازی راستەقینەی کوردایەتییە، و شەرەفێکە تەنھا بەیەکێتی دەکرێت، نەک بە کوردایەتییە موزەیفەکەی ئێوە.

خه‌باتی كوردایه‌تی و سه‌ربه‌خۆی، قوربانی و گیانفیدای زۆری پێویسته‌ و یه‌كێتی نیشتمانی كوردستانیش، سه‌ر مه‌شقی خه‌بات بووه‌، درووشمی یان کوردستان یان نەمانی کردۆتە، شاڕێگای خەباتی کوردایەتی، و له‌و پێناوشدا، ده‌یان شه‌هید و قوربانی داوه‌، بۆیه‌ ئه‌م ‌ جۆره‌ كرده‌وانه‌ بۆ تێكدانی ئاسایشی هه‌رێمی كوردستان و به‌تایبه‌ت سلێمانی جێگای قبوڵ نییه‌ و داو ده‌كه‌ین، چاوساغ و خیانه‌تکاران، واز له‌ پیلانگێری دژ به‌ میله‌ته‌كه‌مان بهێنن، چونكه‌ مێژوو ره‌حم به‌هیچ كه‌س و لایه‌نێك ناكات و ته‌نها رووڕه‌شیان بۆ ده‌مینێته‌وه‌.

ره‌وه‌ند مه‌لا مه‌حمود
ئه‌ندامی سه‌ركردایه‌تی و لێپرسراوی مه‌ڵبه‌ندی (2)ى رێكخستنی كه‌ركوكی (ی.ن.ك)