چەمانەوە !

PUKMEDIA

غـازی فەیسەڵ

غـازی فەیسەڵ

  حكومەتی هەرێمی كوردستان نەك لەڕووە ئەخلاقییەكەی بەڵكو لە رووی سیاسی و ئیداری و سەربازی و هەموو كایەكانی دەوڵەتداری ئیفلاسی كرد بۆیە چوونەوە بەردەم دەرگای  ئەو حكومەتەی ئەوان دەیانگوت موفلیسە! خوێندەواران بەگشتی و شارەزایانی زمانی رەسەنی كوردی باش دەزانن زمانی رەسەنی كوردی دەوڵەمەندە بە چەندین زاراوە و وشەو رستەی كوردەواری كە بێجگە لەوەی هەر وشەیەك چەندین مانا دەبەخشێت لەگەڵ ئەوەشدا زۆر لەوشەی كوردی پڕ مانان و لەكۆڕ و كۆبوونەوە سیاسی و كۆمەڵایەتەكاندا بەكارهاتوون.

  ئەوەی مەبەستمە بیڵێم بەشێك لە سیاسەتمەدار و دەوڵەتمەدارانی هەرێم و حزبێكی دەسەڵاتدار چەند وشەو رستەیەكی بازاڕیان لە ناو هزر و گیرفانی خۆیاندا دەرهێناو بەناوی گەلی كوردەوە خستیانە بازاڕەوە وەك (چەمینەوە، قەبیل ناكەین، بەغدای موفلیس، تاپۆی ڕیفراندۆم) و چەند وشەو دروشمێكی تری چەواشە كارانەی  ئیستیفزازی كە لە ئەسڵدا تاكی كورد قەت ئارەزوی بەكار هێنانی  ئەو جۆرە وشانە نەبووەو نییە، سەرۆكی حكومەتی هەرێمی كوردستان سەرەڕای فەشەل هێنانی لەهەموو كایە سیاسی و ئابوری و سەربازی و ستراتیژییەكان  بەزۆر چەمایەوە و چووە بەردەرگای ئەو حكومەتەی بەزمانی زبری خۆیان دەیانگوت بوغدا موفلیسە ! بەڵام لەڕاستیدا  حكومەتی هەرێمی كوردستان ئیفلاسی هێناو  چەمایەوە!! ئەم رێككەوتنەی نێوان هەرێم و بەغدا بڕیای دادگای فەڕەنساو چاو سووركردنەوەی ئەمریكاو پاڵەپەستۆی شەقام بوو ،نەك بیرتیژی سەرۆكی حكومەت .  

PUKMEDIA