ئەوەی ئەمڕۆ، دوای 14 ساڵ

PUKMEDIA

تابان گەرمیانی

نووسینی... تابان گەرمیانی

14 ساڵە دەكرا، بە رێگای یاسایی و دەستوریی، ئەوەی ئەمڕۆ کرا زووتر بکرایە، هەرێمی كوردستان نە خرایەتە ژێر باری 32 ملیار دۆلار قەرزەوە، خەڵکەکەی رووبەڕووی بێ مووچەیی و پاشەکەوتی مووچەو بێ خزمەتگوزاری نەکرایتەوە و هەزاران گەنج و خێزان لە بێ دەرتانی روویان لەوڵاتان نەکردایە و لە دەریاکاندا نە خنکانایە و هەزاران خێزانی بەهۆی نالەباری وەزعی ئابورییەوە  هەڵنەوەشایەتەوە و پرۆسەی هاوسەرگیری لە ناو گەنجەکانمان تا ڕادەی نەمان نەگەشتایە و کەمیی وەچەخستنەوە بە هۆی داروخانی لایەنی ئابووری لەلایەن خێزانەکانەوە  پەیڕەو نەکرایە کە بە زیانێکی گەورەی مرۆییە لە رێژی کورد لەم وڵاتەداو، هەزاران هەزار گەنجمان  بێ کار نەمانایە و خەڵکمان توشی قەیرانی گرانی نەوت غاز و بەنزین نەببوایە.

ئەمانەو دەیان کێشە و گرفتی تر، بە هۆی بەرژەوەندیی بەرتەسک و دەسکەوتی تایبەتییەوە توشی خەڵکی ئەم هەرێمەمان نەهاتایە، هەموو ئەوانەش لە پای چی؟ ئابوریی سەربەخۆ کە نەیتوانی ژیانی کۆمەڵگا خۆش بکاو بۆ هەتایە قەت لە بیری تاک بە تاکی ئەم هەرێمە ناچێتەوە.

ئێستا کە دواجار رێگە دروستەکە هەڵبژێردرا  کە دەمێکە( یەکێتی) داوای دەکات، جێی خۆیەتی ئیتر ئاهێک بە بەر میللەتی ماندوومانا بێتەوە و هیوای ئایندەی باشتر بۆ خەڵکی کوردستان بخوازین و ئەمە ئیتر کۆتایی ناخۆشییەکان و قەیرانی مووچە و خزمەتگوزاری و ناهەموارییەکانی تری خەڵکەکەمان بێت.