سەرۆک کۆمار پێشوازی لە سەرۆکی ئەنجومەنی وەزیران دەکات

نوسینگەی رۆژنامەوانی سەرۆک کۆمار

کۆبوونەوەی د.لەتیف جەمال ڕەشید و محەممەد شیاع سودانی

سەرۆک کۆمار دکتۆر لەتیف جەمال ڕەشید، ئەمڕۆ دووشەممە 3-4-2023 لە بەغدا، پێشوازیکرد لە سەرۆک وەزیران محەممەد شیاع سودانی.

لەمیانی دیدارەکەدا باس لە پێشهاتی سیاسی و ئەمنی و ئابوری و ژینگەیی و خزمەتگوزارییەکانی وڵات کرا، کە تیایدا باسیان لە چۆنیەتی پاڵپشتیکردنی بەرنامەی حکومەت کرد کە ئامانج لێی پێشکەشکردنی باشترین خزمەتگوزارییە بە هاووڵاتیان و چەسپاندنی ئاسایش و سەقامگیری، هەروەها گرنگی پەلەکردن لە پەسەندکردنی بودجە چونکە کاریگەریی لەسەر ژیان و بژێوی خەڵک دەبێت.
سەرۆک کۆمار باسی لە ئەنجامی بەشداریی عیراق کرد لە کۆنفرانسی ئاو کە لە لایەن نەتەوە یەکگرتووەکانەوە لە نیویۆرک ڕێکخرابوو، ئەو ئەنجامەی کە کاری لەسەر کرابوو بۆ روبەڕووبوونەوەی قەیرانی ئاوی جیهان کە سەرۆک و سەرکردەی وڵاتانی بەشداربوو پشتیوانی خۆیان دوپاتکردەوە بۆ هەوڵەکانی عێراق لە ڕووبەڕووبوونەوەی کەمی ئاو لە ڕووبارەکانی دیجلە و فورات.

PUKMEDIA