پشووەکانی مانگی ئادار داهاتی سلێمانی کەمدەکات

شەفافیەت

داهاتی نانەوتی مانگی رابردووی سنووری پارێزگای سلێمانی

داهاتی نانەوتی مانگی رابردووی پارێزگای سلێمانی و هەڵەبجە و هەردوو ئیدارەی گەرمیان و راپەڕین بەراورد بە مانگی پێشووتری بەهۆی رۆژە پشوەکانەوە زیاتر لە ٨ ملیار دینار کەمیکردووە.

داهاتی مانگی ئادار زیاتر لە ٧٧ملیار دینار بووە

بەپێی زانیاری ماڵپەری شەفافیەت، "داھاتی نانەوتی سنووری ھەردوو پارێزگای سلێمانی و ھەڵەبجە و ھەردوو ئیدارەی گەرمیان و راپەرین لە مانگی ئازاری رابردوو بریتی بووە لە ٧٧،٥٢٧،٣٩٩،٩٠٦ ملیار دینار، کە لەو بڕە  ٦٦،٩٤٢،٨٤٦،٠٤٣ ملیاری کاش بووە".

داهاتی مانگی شوبات زیاتر لە ٨٦ ملیار دینار بووە

داهاتی نانەوتی مانگی رابردووی پارێزگای سلێمانی و هەڵەبجە و هەردوو ئیدارەکەوە بەراورد بە مانگی پێشووتری، ٨ ملیار و ٨٥٤ ملیۆن و ٨٠٧ هەزارو ٧٨٧ دینار کەمیکردووە کە داهاتی مانگی شوبات ٨٦ ملیار و ٣٨٢ملیۆنو ٢٠٧ هەزار و ٦٩٣ دینار بووەو هۆکاری کەمبوونەوەی داهاتیش بۆ ئەو رۆژە پشوانە دەگەڕێتەوە کە لەو مانگەدا هەبووە.

هەر بەراورد بە مانگی شوبات داهاتی مانگی ئازاری پارێزگای سلێمانی و هەڵەبجە ١١ ملیار و ٣٨٥ ملیۆن و ١١ هەزار و ٢١٥ دینار کاش کەمیکردووە.

ئەمەش لەکاتێکدایە داهاتی هەفتەی رابردوو لە رۆژی 25-3- 2023 تا 31-3-2023، بڕی 21 ملیار و 456 ملیۆن و 939 هەزار و 637 دینار بووە، بەجۆرێك كە زیاد لە 15 ملیار دیناری نەختینەیە و هەروەها زیاد لە 5 ملیار دینار بەشێوەی چەكە و زیاتر لە 8 ملیۆن دیناریش مقاصەیە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.
PUKMEDIA