سەرۆك بافڵ: رێگا نەدرێت لایەنەكان بڕیار لەچارەنووسی پێكهاتەكان بدەن

PUKMEDIA

بافڵ جەلال تاڵەبانی، سەرۆكی یەكێتی و رەییان كلدانی، ئەمینداری گشتیی بزووتنەوەی بابلیون

بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغدا پێشوازی لە رەییان كلدانی، ئەمینداری گشتیی بزووتنەوەی بابلیون كرد.

لە دیدارێكدا رەفعەت عەبدوڵڵا، بڕیاردەری دەستەی كارگێڕی ئامادەبوو، جەخت لە فراوانكردنی هەماهەنگییەكان و گەشەپێدانی پەیوەندییەكانی نێوان لایەنە سیاسییەكان و هەموو نەتەوە و پێكهاتەكان كرایەوە لەپێناو گەیشتن بە رێككەوتنێكی نیشتمانی و هەنگاونان بە ئاڕاستەی سەقامگیری لە وڵاتدا.

چارەنووس و نوێنەرایەتی پێكهاتەكان لە دامەزراوە یاسایی و دەستوورییەكاندا تەوەرێكیتری كۆبوونەوەكە بوو و لەوبارەیەوە سەرۆك بافڵ وتی: "یەكێتیی نیشتمانیی كوردستان بەتوندی دژی هەموو هەوڵێك دەوەستێتەوە كە بیەوێت گیانی تەبایی و پێكەوەژیان بخاتە مەترسییەوە".

وتیشی: "هەموو نەتەوە و پێكهاتەكان لای ئێمە رێزلێگیراون و نابێت رێگە بدرێت هیچ لایەنێكی سیاسی بڕیار لە چارەنووسی ئەوان بدات".

PUKMEDIA