خۆپیشاندانەکان یاسای هەڵبژاردنی لە پەرلەمان پەکخستووە

PUKMEDIA

ئەنجومەنی نوێنەرانی عیراق

خۆپیشاندان لە عیراق دەستیپێکردووەتەوە و ئەندامێکی ئەنجومەنی نوێنەرانی عیراقیش دەڵێت، "خۆپیشاندەران مەبەستیانە هەڵبژاردن ئەنجام نەدرێت".

د. بڕیار رەشید ئەندامی ئەنجومەنی نوێنەرانی عیراق لە فراکسیۆنی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند: "لەئێستادا خۆپیشاندانێک هەیە، زیاتر ئەوە کاریگەری لەسەر پەرلەمان دروستکردووە و وایکردووە کە یاساکە بە ئاسانی تێنەپەڕێندرێت، چونکە ترسێک هەیە کە ئەو جوڵە دەستپێبکاتەوە کە تشرینییەکان لە رابردوودا دەستیانپێکردبوو".

"ژمارەی یاسایی ئامادەبووانی پەرلەمانتاران لە هۆڵی پەرلەمان بوونی هەیە، بەڵام بەهۆی خۆپیشاندانەکانەوە ژمارەیەکی زۆر پەرلەمانتار بەشداری کۆبوونەوەکانی پەرلەمان ناکەن، ئەمەش لەکاتێکدایە کۆی یاساکە جیاوازە لە یاسای پێشوو، لەگەڵ ئەوەشدا سەربەخۆکان لە پەرلەمان دژی  بڕگەی ساندلیگۆن، بەڵام بەبۆچوونی من مەبەستەکە ساندلیگۆ نییە و دژی تەواوی یاسای هەڵبژاردنن لە عیراق"، د. بڕیار رەشید وادەڵێت.
PUKMEDIA