سەرۆک بافڵ: ناكۆكییەكان خزمەت بە هیچ لایەك ناكات

نوسینگەی رۆژنامەوانی سەرۆکی یەکێتی

کۆبوونەوەی سەرۆک بافڵ و حەیدەر عەبادی

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە حەیدەر عەبادی، سەرۆکی ھاوپەیمانیی نەسر کرد.

‏‎لە دیدارێکدا كە رەفعەت عەبدوڵا، بڕیاردەری دەستەی کارگێڕی و خالید شوانی، ئەندامی مەکتەبی سیاسی و نزار ئامێدی، وه‌زیری ژینگه‌ی عیراق ئامادەیبوون، جەخت لەپەرەپێدانی پەیوەندی لەمێژینەی نێوان هەردوولا و بەردەوامی هەماهەنگییەكان كرایەوە لەپێناو پاراستنی بەرژەوەندییە باڵاكان.

‌‌‎هەر لە دیدارەکەدا گرنگی گفتوگۆ و بەردەوامیی دیالۆگی نیشتمانی نێوان لایەنە سیاسییەكانی هەرێم و عیراق بۆ چارەسەركردنی كێشەكان لەپێناو دەستبەركردنی ژیانێكی سەقامگیر لە وڵاتدا دووپاتكرایەوە.

‌‌‎سەرۆک بافڵ جەلال تاڵەبانی جەختی لە چارەسەركردنی كێشەكانی نێوان حكومەتی هەرێم و حكومەتی فیدراڵ لەسەر بنەمای دەستوور كردەوە و رایگەیاند، ناكۆكییەكان خزمەت بە هیچ لایەك ناكەن و پێویستە هەموومان پێكەوە كار بۆ بونیادنانی داهاتوویەكی گەشتر بكەین.

PUKMEDIA