ئاسایشی سلێمانی دەستبەسەر چەک و بەڵگەی نایاسایدا دەگرێت

‎بەڕێوەبەرایەتی ئاسایشی سلێمانی

تۆمەتبارە دەستگیركراوەكان

‎‎ بەڕێوەبەرایەتی ئاسایشی سلێمانی دەستبەسەر ژمارەیەك باخ و جێگادا دەگرێت كە بۆ مەرامی كاری نایاسایی و خراپەكاری و كۆكردنەوەی هێز لەدەرەوەی دامەزراوە رەسمییەكان بەكارهێنراون، هاوكات چەند تۆمەتبارێكیش دەستگیردەكرێن.

بەڕێوەبەرایەتی ئاسایشی سلێمانی رایدەگەیەنێت: "دوای دەستكەوتنی زانیاری و بەڵگەی پێویست لەسەر چەند جێگا و باخێكی جیاواز لەسنووری سلێمانی كە كاری نایاسایی تێدادەكرێت و چەندین كەسی لە یاسا هەڵهاتووش خۆیان تێدا حەشارداوە، پاش لێكۆڵینەوەی ورد، پاڵپشت با یاسا و دەسەڵاتی  دادوەری، بڕیاردرا سەرجەم ئەو باخ، شوێن و جێگایانەی كە بۆ مەرامی كاری نایاسایی، خراپەكاری و كۆكردنەوەی هێز لەدەرەوەی دامەزراوە رەسمییەكان بەكارهێنراوە دەستی بەسەردابگیرێت".

‎راشیگەیاند: "دوای رەزامەندی دادوەری تایبەتمەند هێزێكی هاوبەش لە هێزە ئەمنییەكان ئێوارەی رۆژی 8-3-2023،  لە سنووری سلێمانی دەستیان بەسەر چەند باخێكدا گرت و دوای پشكنین و گرتنەبەری رێكاری یاسایی، دەست بەسەر چەندین لولەی بێدەنگی چەك (كاتم سەوت)، دەرمانی نایاسایی و بەڵگە دروستكردنی هێزی نایاسایی لەدەرەوەی یاسا بەركارەكانی هەرێم دا گیرا. هەروەها چەندین تۆمەتباریش دەستگیركران كە بەشێكیان پێشتر لەلایەن دادگاوە داواكراوبوون".

‎‎بەڕێوەبەرایەتی ئاسایشی سلێمانی ئەوەشی راگەیاندووە: "بۆ هەموولایەكیشی رووندەكەینەوە ئەم كەیسە رێڕەوی یاسایی وەرگرتووە و لێكۆڵینەوەی زیاتر لەو بارەیەوە دەستیپێكردووە".

‎بەڕێوەبەرایەتی ئاسایشی سلێمانی

PUKMEDIA