پەیمانگای NDI: هیچ ڕاپرسییەکمان لەسەر هەڵبژاردنی هەرێم نەکردوە

پەیجی پەیمانگا

پەیمانگای NDI

لەچەند رۆژی رابردوودا چەند دەزگایەکی ڕاگەیاندن دەنگۆیەکیان لەسۆشیاڵ میدیا بڵاوکردەوە کە گوایە پەیمانگای نیشتمانی دیموکراسی ئەمریکی NDI راپرسییەکی لەسەر هەڵبژاردنی پەرلەمانی کوردستان کردوە، بەڵام پەیمانگاکە ئەو دەنگۆیە رەتدەکاتەوە و رایدەگەیەنێت: " لەماوەی 3 ساڵی ڕابروودا هیچ راپرسییەکیان لەسەر هەڵبژاردنی هەرێمی کوردستان نەکردوە".

لەبەدواداچونێکی تیمی پاسەواندا لەگەڵ پەیمانگای نیشتمانی دیموکراسی ئەمریکی NDI ئەوە خراوەتەڕوو: " پەیمانگاکە هیچ راپرسییەکیان لەسەر هەڵبژاردنی پەرلەمانی کوردستان ئەنجامنەداوە و هەموو ئەو دەنگۆیانە لەو بارەیەوە دوورن لەڕاستییەوە".

پەیمانگای نیشتمانی دیموکراسی ئەمریکی NDI ئەوەشی راگەیاندوە: "رێکاری یاسایی بەرامبەر هەر پەیج و ماڵپەڕێکی راگەیاندن دەگرنەبەر کەهەواڵی لەو شێوەیە ناڕاستیان بەناوی پەیمانگاکەمانەوە بڵاوکردوەتەوە".

چەند پەیجێک بەمەبەست و بۆ چەواشەکردنی خەڵک دەنگۆی ئەوەیان بڵاوکردوە، کە گوایە پەیمانگای NDI ئەمریکی لەسەر ڕێژەی کورسی و چۆنێتی هەڵبژاردن ڕاپرسیان ئەنجامداوە تەنانەت ئەنجامی ڕاپرسییەکەشیان بڵاوکردەوە، بەڵام پەیمانگاکە ئەو دەنگۆیەی ڕەتکردەوەو بێ ئاگایی خۆی لەو ڕاپرسییە ڕاگەیاند.

PUKMEDIA