سەرۆک بافڵ: یەکێتی لەخەمی پاراستنی بەرژەوەندییە گشتییەکانە

نوسینگەی راگەیاندنی سەرۆکی یەکێتی

سەرۆک بافڵ و ماکسیم روبن

بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی پێشوازی لە ماکسیم روبین، کونسوڵی گشتیی نوێی رووسیا لە هەرێمی کوردستان کرد.

لەسەرەتای دیدارەکەدا سەرۆک بافڵ جەلال تاڵەبانی پیرۆزبایی لە کونسوڵی نوێی رووسیا کرد و هیوای سەرکەوتنی لە ئەرکەکەیدا بۆ خواست، ئامادەیی یەکێتیی نیشتمانیی کوردستانیشی بۆ هەموو هاوکاری و هەماهەنگییەک لەپێناو سەرخستنی کارەکانیان دەربڕی.

لە درێژەی دیدارەکەدا دۆخی سیاسیی هەرێم و عیراق گفتوگۆی لەبارەوە کرا و دوایین ئەگەر و پێشهاتەکان تاوتوێکران، پەیوەست بە دۆخی هەرێم و هەوڵەکانی یەکێتی لەپێناو ژیانێکی ئارام و سەقامگیر، سەرۆک بافڵ بەرچاوڕوونیدایە وەفدی میوان و رایگەیاند، یەکێتی لەسەر رێباز و ستراتیژیی نیشتمانیی خۆی لەپێناو دەستەبەرکردنی ژیانی شایستە و پێشکەشکردنی خزمەتگوزاری زیاتر بۆ هاوڵاتیان بەردەوام دەبێت و لە خەمی پاراستنی بەرژەوەندییە گشتی و باڵاکان دەبێت.

PUKMEDIA