پەرلەمانتارێکی یەکێتی داوای دامەزراندنی یەکەمەکانی هەرێم دەکات

PUKMEDIA

بەدریە حسێن ئەندامی لیژنەی خوێندنی باڵا لە پەرلەمانی عیراق

ئەندامێکی ئەنجومەنی نوێنەرانی عیراق لە فراکسیۆنی یەکێتی هەوڵەکانی بۆ دامەزراندنی یەکەم و دووەم و سێهەمی زانکۆ و پەیمانگاکانی هەرێمی کوردستان لەلایەن حکومەتی فیدراڵییەوە چڕدەکاتەوە و بۆ ئەو مەبەستەش نوسراو ئاڕاستەی خوێندنی باڵای عیراق دەکات و داوای دامەزراندنیان دەکات.

بەدریە حسێن ئەندامی لیژنەی خوێندنی باڵا لە پەرلەمانی عیراق بە سایتی رەسمی یەکێتیی نیشتمانیی کوردستان PUKMEDIA ی راگەیاند: "لەلایەن حکومەتی فیدڕاڵییەوە پشتبەست بە یاسای ژمارە 59 و 67ی ساڵی 2017ی ماددەی 1 بۆ دامەزراندنی یەکەم و دووەم و سێهەمی زانکۆ و پەیمانگا حکومییەکان، وەک ئەرکی خۆم نوسراوم ئاڕاستەی هەردوو خوێندنی باڵای هەرێم و عیراق کرد کە پێویستە ئەو بڕیارە خوێندکارە یەکەمەکانی هەرێمی کوردستانیش بگرێتەوە".

"لەو بڕیارە 9 هەزار و 812 خوێندکار بە ناوچە جێناکۆکەکانیشەوە سودمەند دەبن و سەرجەم ناوەکانیان لەلایەن وەزارەتی خوێندنی باڵای هەرێمەوە ئاڕاستەی وەزارەتی خوێندنی باڵای حکومەتی فیدراڵی کراوە، بەڵام تائێستا وەڵامی وەزارەتی خوێندنی باڵای هەرێم لەوبارەوە نەدراوەتەوە و هەوڵەکانم بۆ مافی ئەو خوێندکارانە بەردەوامی هەیە"، بەدریە حسێن وایوت.

وتیشی: "لە هەمان کاتدا نوسراوی رەسمیم ئاڕاستەی سەرۆکی ئەنجومەنی راژەی حکومەتی فیدراڵی و وەزیری خوێندنی باڵای عیراق کردووە و داوامکردووە خوێندکارە یەکەم و دووەم و سێهەمەکانی هەرێمی کوردستانیش لەو بڕیارە سودمەندبن و دابمەزرێن، هەوڵەکانیشم لەوپێناوەدا بەردەوامی دەبێت".
PUKMEDIA